Joriy yilning 10-24-avgust kunlari butun O‘zbekiston bo‘ylab Futzal bo‘yicha Jahon chempionati kubogi taqdimoti – “Trophy tour” tadbiri bo‘lib o‘tadi.
Mamlakatimizning barcha hududlari bo‘ylab o‘tkaziladigan mazkur tadbirlar davomida ishqibozlar Jahon chempionatining bosh sovrini bilan suratga tushishlari, ko‘ngilochar dasturlarda ishtirok etishlari hamda hamkorlar tomonidan taqdim etiladigan esdalik sovg‘alarga ega bo‘lishlari mumkin.
Jahon chempionati starti arafasida Mundial bosh sovrini Andijondan “yo‘lga chiqadi” va butun Respublika bo‘ylab “sayohat qiladi”.
“Trophy tour” tadbirlarining rejasi va xaritasi (barcha hududlarda tadbirlarning boshlanish vaqti 19:00 etib belgilangan):
10-avgust – Andijon, Ekopark;
11-avgust – Farg‘ona, EkoShahar;
12-avgust – Namangan, Afsonalar vodiysi bog‘i;
15-avgust – Nukus, Qoraqalpog‘iston Davlat sanʼat muzeyi yaqinidagi xiyobon;
16-avgust – Urganch, Amir Temur bog‘i;
17-avgust – Buxoro, Labi Hovuz;
18-avgust – Navoiy, Markaziy savdo majmuasi;
19-avgust – Qarshi, Qashqadaryo viloyati musiqali drama teatri;
20-avgust – Termiz, Alisher Navoiy maydoni;
21-avgust – Samarqand;
22-avgust – Jizzax, O‘rda;
23-avgust – Guliston, Bilimdonlar maskani;
24-avgust – Toshkent, “Central Park”.
Shuni ham taʼkidlash joizki, Visa kartalari egalari uchun https://futsal2024.uz/ saytida uchrashuv chiptalarining sotuvi yo‘lga qo‘yilgan. 13-avgust kunidan boshlab esa barcha to‘lov usullari bo‘yicha sotuvlar boshlanadi.Tadbir O‘zbekiston futbol assotsiatsiyasi va Turizm qo‘mitasi hamkorligida o‘tkazilmoqda.
Reklama huquqi asosida
Izoh (0)