2024-yilning 10-iyun kuni Click MChJ Aksiyadorlik Jamiyatiga aylantirildi. Mulkchilikning yangi shakli bilan bog‘liq bo‘lgan muhim o‘zgarishlardan biri shundaki, Click ommaviy kompaniyaga aylandi. Oshkoralik tamoyiliga amal qilgan holda, endilikda Click o’z ishlari natijasini muntazam ravishda e’lon qiladi.
2024-yilning birinchi yarmi kompaniya uchun samarali bo’ldi. Asosiy ko’rsatkichlardan biri – bu ishonch ko’rsatkichi. Oyiga Click’ga o’rtacha 250 ming atrofida foydalanuvchilar ulanadi, ro’yxatdan o’tgan foydalanuvchilarning umumiy soni esa 17 millionga yetgan. To’lovlarning 15% ga yaqini @clickuz Telegram-boti va USSD orqali o’tkaziladi (internet ulanishisiz to’lov usuli).
Kundan-kunga ko’proq foydalanuvchilar identifikatsiyadan o’tish orqali kengaytirilgan funksionaldan foydalanishni tanlamoqda. Mazkur funksional qo’shimcha imkoniyatlar beradi, shu bilan birga foydalanuvchi ma’lumotlari avtomatik ravishda maydonlarda to’ldirilishi sababli, vaqtni tejaydi va qo’shimcha qulaylik baxsh etadi. Bugungi kunda identifikatsiyadan o’tgan foydalanuvchilarning soni 3 milliondan ortiq.
Kunlik nafaqat to’lovlar, balki boshqa imkoniyatlardan foydalanuvchilar soni o’rtacha 2 millionni tashkil qiladi (+220%).
"Biz foydalanuvchilarimiz faolligining oshgani, ko’plab yangi xizmatlar ishga tushganiga bog’liq deb hisoblaymiz. Click bugunda oddiy to’lov vositasi emas, endilikda Click ko’plab kundalik vazifalarni bajarib, foydalanuvchilarga yordam beradi", - deydi Click bosh direktori Ulug’bek Rustamov.
Shunday qilib, 2023-yilning ikkinchi yarmida avtomobil egalarini bir joyda to’plagan “Mening avto” xizmati yo’lga qo’yildi. Mazkur xizmatda biz tonirovka yoki sug’urta muddati qachon yakunlanishini aytib turamiz, shuningdek ularni bir klikda uzaytirish imkonini beramiz, avtomobil egasining barcha hujjatlarini elektron versiyalarini saqlaymiz va avtomobilni boshqarish uchun onlayn ishonchnomani rasmiylashtirish imkonini beramiz.
Bu xizmat juda ommalashdi, uning funksionalligi esa kundan-kunga oshib bormoqda. Masalan, mazkur yilning birinchi yarmida sug’urta rasmiylashtirish miqdori o’tgan yilning ikkinchi yarmiga qaraganda 200% ga oshdi. Mazkur bo’limni bu yilda ham avtomobil bilan bog’liq kundalik yumushlarni yengillashtiruvchi yangi xizmatlar bilan boyitishda davom ettirmoqdamiz. Shuningdek, 2024-yilda yangi xizmatlar va klub mahsulotlari ishga tushirildi. Ularning orasida barcha oilaviy hisoblar bir oynada joylashgan va bepul pul o’tkazmalarini amalga oshirish imkoniyati bo’lgan “Mening oilam” bo’limi, poverbanklar ijarasi, shuningdek velosipedlar ijarasini yo’lga qo’ymoqdamiz, bundan tashqari taomlar yetkazib berish va kinoga chiptalarni onlayn bron qilishga katta talab borligini ko’rib turibmiz.
Aytish lozimki, kommunal xizmatlar kabi an’anaviy xizmatlar to’lovlarida ham sezilarli o’sish bor, masalan faol foydalanuvchilar soni 210% ga, to’lovlar miqdori 310% ga oshdi.
Biz kundan-kunga ko’proq kundalik yumushlarni o’z zimmamizga olmoqdamiz, foydalanuvchilar esa kerakli narsalarni bir klikda olish imkoniyatiga ega bo’lmoqdalar.
Biznes va xizmatlarni rivojlantirar ekanmiz, jamoamiz ijtimoiy mas’uliyatga alohida e’tibor qaratadi. Mazkur yilning eng muhim loyihalaridan biri bu “Inson uchun” xayriya platformasidir. Loyiha ishga tushirilganidan beri 2 178 265 006 so’m pul to’plandi va 104 bolaga yordam berildi. Mazkur loyiha notijorat bo’lsada, kompaniyamiz uchun juda muhimdir.
Asosiy moliyaviy ko’rsatkichlar 1 yarim yillikda quyidagi natijalarni ko’rsatdi:
Kompaniya pul aylanmasi 32% ga oshdi va 36 trillion so’mni tashkil qildi. Sof daromad esa deyarli 50% ga oshdi. Bu esa kompaniyaning samarali faoliyati va yangi xizmatlarga talab mavjudligi haqida dalolat beradi.
* Xususiy kapital 201% ga oshdi va 119 milliard so’mga yetdi.
* Taqsimlanmagan foyda haam 201% oshdi va 104 milliard so’mni tashkil qildi.
* Kompaniya aktivlari 245 milliard so’mni tashkil qiladi, bu esa o’tgan yilga qaraganda 39% ga ko’proq.
Barcha ko‘rsatkichlar dinamikasi 2023-yilning birinchi yarmiga nisbatan ko‘rsatilgan.
Reklama huquqi asosida
Izoh (0)