Vashingtonda NATO sammiti arafasida norozilik mitingi bo‘lib o‘tdi, uning ishtirokchilari alyansni bekor qilish va AQSHning dunyo bo‘ylab harbiy bazalarini yopishga chaqirishdi, deya “RIA Novosti” xabar berdi.
9—11-iyul kunlari Vashingtonda NATO sammiti bo‘lib o‘tishi kutilmoqda.
Namoyishchilar Vashington markazidagi Presviterian cherkovining katta zalida to‘planishgan. Plakatlarda “NATOga qarshi turing! Xalqning huquq va ozodlik uchun kurashini qo‘llab-quvvatlang”, “AQSH imperializmini to‘xtating” va “NATO qo‘llab-quvvatlagan urushni to‘xtating! AQSH bazalarini yoping! AQSH harbiylarini Afrika, Osiyo va Lotin Amerikasidan olib chiqib keting!” degan shiorlar yozilgan.
Uchrashuvda turli shtatlarning faollar guruhi rahbarlarining Manila yaqinda Vashingtonning Janubiy Xitoy dengizida operatsiyalar o‘tkazishda yordam berish taklifini rad etishi fonida AQSHning Filippin bilan harbiy hamkorligini to‘xtatish tarafdori bo‘lishgan. Shuningdek, AQSHning Isroilga qurol-yarog‘ yetkazib berishni to‘xtatish talablari ham yangragan.
G‘azo sektoridagi to‘qnashuvning yangi bosqichidan so‘ng, AQSHda muntazam ravishda keng ko‘lamli norozilik namoyishlari o‘tkazilmoqda, ularning aksariyati Falastinni va G‘azoda o‘t ochishni to‘xtatishni qo‘llab-quvvatlamoqda.
Izoh (0)