United Nations Conference on Trade and Development (UNCTAD) eWeek 2023 konferensiyasida dunyoning 159 mamlakatidan 3500 dan ortiq davlat organlari, xalqaro tashkilotlar va yirik kompaniyalarning vakillari qatnashdi. Uzum Market milliy marketpleysining ma’lumotlar bilan ishlash bo‘yicha direktori Yuriy Gavrilin platforma mamlakatda tadbirkorlikni rivojlantirishga, shuningdek, ayollarni biznes yuritishga jalb etishga qanday hissa qo‘shayotgani haqida so‘zlab berdi.
Bu yilgi UNCTAD eWeek konferentsiyasining asosiy mavzulari sun’iy intellektning iqtisodiy rivojlanishga ta’siri, raqamli texnologiyalarning ekologikligi, shuningdek, raqamli tadbirkorlik orqali ayollarning imkoniyatlarini kengaytirish va rivojlanayotgan mamlakatlarning raqamli iqtisodiyotga o‘tishini tezlashtirish bo‘ldi.
Raqamli iqtisodiyot barcha darajadagi rivojlanish maqsadlariga erishishda muhim rol o‘ynaydi. Ko‘p tomonlama munozaralar orqali biz birgalikda hamma uchun ishlaydigan global raqamli kelajakni qurishimiz mumkin, — deydi UNCTAD bosh kotibi Rebekka Grinspan.
Yuriy Gavrilin ayollarning raqamli texnologiyalardan foydalanishi va foydalanishni ommalashtirishga ta’sir qilishi va imkoniyatlarini kengaytirishi mumkin bo‘lgan vositalar va yondashuvlar bo‘yicha diskussiyaning ishtrokchisi bo‘ldi.
Uning nutqining asosiy mavzulari O‘zbekistondagi onlayn savdoni rivojlantirishdagi tajribasi, shuningdek, Uzum Market’ning mamlakat iqtisodiyotini raqamlashtirishga qo‘shgan hissasi bo‘ldi.
Uzum Market O‘zbekistonda tadbirkorlik faoliyatining o‘sishi uchun turtki bo‘ldi — bugungi kunda bizning platformamizda 7 000 dan ortiq tadbirkor va kompaniyalar o‘z mahsulotlarini sotmoqda. Bundan tashqari, bizning hisob-kitoblarimizga ko‘ra, sotuvchilar orasida ayollarning ulushi taxminan 30% ni tashkil etadi, bu mamlakatdagi o‘rtacha ko‘rsatkichdan yuqori.
Endi boshlagan va tajribali tadbirkorlarni o‘qitish uchun biz platformamizda biznesni qanday boshlash va rivojlantirish kerakligi haqida o‘qitadigan Uzum Academy kurslarini ishga tushirdik. O‘qituvchilarimiz YEXHT, IT Park, Jahon bankining ta’lim dasturlarida faol ishtirok etmoqda. Biz ta’limi, jinsi va yashash joyidan qat’i nazar, butun mamlakat aholisiga biznesni rivojlantirish uchun bilim va keng ko‘lamli infratuzilmadan teng foydalanish imkoniyatini beramiz. Shunday qilib, elektron tijoratning rivojlanishi tabiiy ravishda tarixiy gender tafovutini kamaytirishga yordam beradi, — deydi Yuriy Gavrilin.
Sheriklik huquqi asosida.
Izoh (0)