Bugun,

  • USD 11095.31
  • RUB 173.84
  • EUR 10772.44

Davlat bojxona qo‘mitasi xodimlari Farg‘ona viloyati, Qo‘qon shahrida yashovchi fuqaroning uyidan qiymati 700 million so‘mlik, 28 ming quti noqonuniy sigaretalar saqlanayotganini aniqladi.

Qo‘mita axborot xizmati rahbari Husan Tangriyev “Daryo” muxbiri bilan suhbatda holat yuzasidan ma’lumot berdi.

Husan Tangriyev

Husan Tangriyev
Foto: “Daryo”
Oldindan kuzatuvga olingan Cobalt to‘xtatilib, ko‘zdan kechirilganda, avtomobilga respublikaga noqonuniy yo‘llar bilan olib kirilgan, sifati kafolatlanmagan va bojxona rasmiylashtiruv hujjatlari bo‘lmagan tamaki mahsulotlari ortilgani fosh bo‘ldi. Tezkor xodimlar jarayonni davom ettirib, haydovchining xonadonini ham tekshirdi. Uyda 700 million so‘mlik 28 ming quti noqonuniy tamaki mahsulotlari saqlanayotgani aniqlandi. Hozirda holat yuzasidan tergovga qadar tekshiruv harakatlari olib borilmoqda”, — dedi qo‘mita rasmiysi.
Shuningdek, 30-noyabr kuni Toshkent viloyatida ham bojxonachilar tomonidan kuzatuvdagi Isuzu to‘xtatilib, tekshirilgan. Natijada yuk avtomobili yukxonasidan respublikaga kontrabanda yo‘li bilan olib kirilgan, xorijda ishlab chiqarilgan va aksiz markasi bilan markalanmagan taxminiy qiymati 603 million 400 ming so‘mlik alkogol va tamaki mahsulotlari borligi aniqlangan. Umuman olganda, mamlakatda bu kabi noqonuniy hatti-harakatlar soni ortib bormoqda.

Foto: “Daryo”

Xususan, bojxonachilar tomonidan 2022-yilning o‘tgan 11 oyi davomida noqonuniy tamaki mahsulotlari aylanmasiga oid 314 ta huquqbuzarlik holatlari aniqlangan. Oqibatda umumiy qiymati 19 milliard 200 million so‘mlik 1 million 578 ming 346 quti noqonuniy tamaki mahsulotlari ushlab qolingan. Bu ko‘rsatkich 2021-yilning mos davriga nisbatan 9 foizga ko‘pdir.

Izoh
Asosiy yangiliklar
Mahalliy
Qo‘shimcha talab etiladigan 37,5 ming tonna piyoz 1-aprelga qadar ichki bozorlarga kiritiladi
Mahalliy
“YouTube’dagi obunachilarimiz soni MDH mamlakatlari IIV kanallarinikidan ham ko‘p” — Shohrux G‘iyosov IIVning mediamakondagi faoliyati haqida gapirdi
Mahalliy
Toshkentda yo‘lovchi avtobus yonib ketdi