Farg‘ona vodiysidagi yo‘lovchi poyezdlari harakat jadvaliga o‘zgartirish kiritildi

Rekonstruksiya ishlari sabab 11-dekabr kuni bir qator poyezdlar jadvaliga o‘zgartirish kiritildi. Bu haqda “O‘ztemiryo‘lyo‘lovchi” xabar qildi.

Qayd etilishicha, 11-dekabr kuni Qo‘qon—Buvayda bekatlari oralig‘ida modernizatsiya ishlari olib borilishi yuzasidan quyidagi yo‘lovchi poyezdlar harakati jadvaliga o‘zgartirishlar kiritiladi:

10-dekabr kuni 126-sonli Xiva—Andijon yo‘nalishida harakatlanuvchi yo‘lovchi poyezd Xiva bekatidan Pop bekatigacha amaldagi jadval asosida harakatlanadi, keyin 11-dekabr kuni quyidagi jadval asosida harakatni davom ettiradi:

• Pop 15:47 — Namangan 16:44 — Andijon 19:57.

126-sonli Xiva—Andijon yo‘nalishida Qo‘qon va Marg‘ilon uchun chipta xarid qilgan yo‘lovchilar Pop shahridan mazkur manzillar vokzaligacha avtobuslar tomonidan bepul eltib qo‘yiladi.

11-dekabr kuni 60-sonli Toshkent—Andijon yo‘nalishida harakatlanuvchi yo‘lovchi poyezd harakat jadvali quyidagicha:

• Toshkent 07:55 — Pop 11:33 — Namangan 12:17 — Andijon 14:13

11-dekabr kuni 59-sonli Andijon—Toshkent yo‘nalishida harakatlanuvchi yo‘lovchi poyezd harakat jadvali quyidagicha:

• Andijon 15:13 — Namangan 17:09 — Pop 17:51 — Toshkent 21:45

11-dekabr kuni 62-sonli Toshkent—Andijon yo‘nalishida harakatlanuvchi yo‘lovchi poyezd harakat jadvali quyidagicha:

• Toshkent 17:22 — Pop 21:02 — Namangan 21:58 — Andijon 00:07

11-dekabr kuni 61-sonli Andijon—Toshkent yo‘nalishida harakatlanuvchi yo‘lovchi poyezd harakat jadvali quyidagicha:

• Andijon 05:50 — Namangan 07:46 — Pop 08:28 — Toshkent 12:14

Izoh: 2022-yilning 11-dekabr kuni yo‘lovchi poyezdlar Qo‘qon va Marg‘ilon bekatlaridan harakatni amalga oshirmaydi.