Bugun,

  • USD 11095.31
  • RUB 173.84
  • EUR 10772.44

Turkiya tashqi ishlar vaziri Egey dengizidagi harbiy mashg‘ulotlar yuzasidan Gretsiyaga qarshi “chora ko‘rish” bilan tahdid qildi. Gretsiya TIV esa bunga munosabat bildirdi. Bu haqda Associated Press xabar berdi.

Foto: Middle East Online

Foto: Middle East Online

Bayonotga ko‘ra, Turkiyaning “takroriy urush tahdidlari”ni qabul qilib bo‘lmaydi, Gretsiya xalqaro huquq va Birlashgan Millatlar Tashkilotining dengiz qonunini hurmat qiladi. Turkiya Egey dengizining sharqiy qismidagi Gretsiya orollariga askar yoki qurol-yarog‘ joylashtirilishi xalqaro huquqqa muvofiq noharbiy maqomga zid ekanini ta’kidlamoqda.

Gretsiya esa e’tiroz bildirib, Turkiyaning ehtimoliy hujumidan ularni himoya qilishi kerakligini, jumladan, Turkiya orollar qarshisida muhim harbiy kuchga egaligini qayd etgan.

6-dekabr kuni Turkiya tashqi ishlar vaziri Mevlut Chavusho‘g‘li Gretsiya o‘z qonunbuzarligidan voz kechishi kerakligini aytgan.

“Yoki u bu masalada orqaga chekinadi va kelishuvga amal qiladi, yoki biz nima kerak bo‘lsa, amalga oshiramiz”, — degan edi siyosatchi.

Turkiya va Gretsiya o‘nlab yillar davomida bir qator masalalar, jumladan, Egey dengizidagi hududiy da’volar va havo hududi yuzasidan bahslashib keladi. O‘tgan 50 yil ichida bu tortishuvlar ularni uch marta urush yoqasiga olib kelgan.

Avvalroq AQSH senatori Robert Menendes Turkiya NATO ittifoqchisi bo‘lishiga qaramay, Egey dengizida provokatsion parvozlar bilan Gretsiya suverenitetiga qarshi chiqayotganini aytgandi. Shuningdek, u Anqaraning xatti-harakati Turkiyani demokratik davlat sifatida tavsiflamasligini ta’kidlagan. Senator Turkiya prezidenti Rajab Toyyib Erdo‘g‘onning AQSHdan F-16 qiruvchilarini sotib olish va modernizatsiya qilish talabi bo‘yicha kelishuvni ma’qullamasligini yana bir bor qayd etgan.

Izoh
Asosiy yangiliklar
Dunyo
Turkiya va Suriyadagi zilzila nega halokatli oqibatlarga olib keldi?
Mahalliy
“Qardoshlarimizga hamdardmiz”. O‘zbek jamoatchiligi Turkiyadagi zilzilaga munosabat bildirdi
Dunyo
Turkiya va Suriyadagi kuchli zilzila: Vayronalar ostidan odamlar qidirilmoqda — fotoreportaj