Bugun,

  • USD 11095.31
  • RUB 173.84
  • EUR 10772.44

O‘zbekistonga xorijiy investitsiyalarni jalb etish maqsadida mamlakat bosh konsulxonasining sa’y-harakatlari bilan Jidda shahridagi yirik tadbirkor — Muhammad Sindi va Navoiy viloyatidagi “Tudakul Garden Park” MCHJ rahbari Farhod Sirojov o‘rtasida muzokaralar tashkil etildi, deb xabar bermoqda “Dunyo”.

Suhbat davomida mamlakatda amalga oshirilayotgan o‘zgarishlar, iqtisodiyotni liberallashtirish va tashqi savdoni rivojlantirish yo‘lidagi islohotlar, xorijiy investorlar uchun yaratilgan biznes qulayliklari haqidagi batafsil ma’lumotlar taqdim etildi.

O‘z navbatida, Muhammad Sindi O‘zbekistonda turli sohalarda amalga oshirilayotgan ishlarni baholar ekan, qishloq xo‘jaligi, chorvachilik va qurilish sohalariga investitsiya kiritishga qiziqish bildirdi. O‘tkazilgan muzokaralar natijasida tomonlar o‘rtasida 300 ming dollarlik “Investitsiya loyihasini amalga oshirishda o‘zaro hisob-kitoblarni tartibga solish to‘g‘risida kelishuv bitimi” imzolandi.

Ushbu sarmoya shartnomasiga muvofiq, Saudiyaning 300 ming dollarlik investitsiyasi asosida Navoiy viloyati Konimex tumani Zafarobod qo‘rg‘onida jami 60 ta xonadondan iborat bitta besh qavatli turar joy binosi qurilishi rejalashtirilgan. Hozirgi paytda qurilish loyihalarini ishlab chiqish ishlari boshlab yuborilgan.

Bundan tashqari, tadbirkorlar o‘rtasida qishloq xo‘jaligi va chorvachilik sohalarida ham investitsiya loyihalarini ishlab chiqish va amalga oshirish bo‘yicha kelishuvga erishildi.

Izoh
Asosiy yangiliklar
Mahalliy
O‘zbekistonda chiqindi gazidan elektr ishlab chiqarish yo‘lga qo‘yiladi 
Dunyo
Putin yo‘qotishlarga qaramay, bahorda Ukrainaga qarshi yangi hujumni rejalashtirmoqda — Bloomberg
Mahalliy
AOKA “Human.uz” jurnalistlari bilan bog‘liq holat yuzasidan munosabat bildirdi