“Barselona” Jahon Chempionatida ishtirok etadigan futbolchilar soni bo‘yicha rekord natija qayd etdi

“Barselona” Jahon Chempionatlarida futbolchilarining ishtiroki bo‘yicha rekord natija qayd etdi.

“Barselona”ning 19 yoshli himoyachisi Aleks Balde Ispaniya terma jamoasida jarohat olgan Xose Gayyaning o‘rini egalladi. Shu tariqa JCH—2022 ga yo‘l olgan “Barselona” futbolchilari soni 17 nafarga yetdi. Ular 8 xil terma jamoada to‘p suradi.

Avvalroq “Barselona” xuddi shunday natija qayd etgani aytilgandi. Biroq keyinchalik Sadio Mane mundialda ishtirok etmasligi ma’lum bo‘ldi.

Bundan avvalgi rekord JCH—2014 da Myunxen klubi tomonidan o‘rnatilgandi. O‘shanda “Bavariya”ning 16 nafar futbolchisi musobaqada ishtirok etgan.