Bugun,

  • USD 11095.31
  • RUB 173.84
  • EUR 10772.44

Surxondaryo viloyati prokuraturasi ijtimoiy tarmoqlarda Sariosiyo tumani “Jannatmakon” mahallasida yashovchi fuqaroning farzandi o‘limi bilan bog‘liq tarqalgan videomurojaat yuzasidan ma’lumot berdi.

Oltinsoy tumani IIB navbatchilik qismining 10-avgustdagi xabariga ko‘ra, soat 08:00 da tuman hududidan oqib o‘tuvchi Hazarbog‘ kanali irmog‘idan Sariosiyo tumani “Jannatmakon” mahallasida yashagan 27 yoshli A.I.ning jasadi topilgan.

RSTEIAM Oltinsoy tumani punktining 7-sentabrdagi xulosasida ko‘rsatilgan ichki tekshiruv natijalarida marhumning ichki a’zolaridagi o‘zgarishlar nafas yetishmovchiligi natijasida vafot etgani haqidagi ma’lumotlar keltirilgan bo‘lsa-da, ekspert xulosasining bayonot qismi bilan xulosa qismida nomutanosib holati kuzatilgani sababli marhumning jasadi sud ajrimi asosida 9-sentabrda eksgumatsiya qilinib, komission sud tibbiyot ekspertizadan o‘tkazilgan.

12-sentabrdagi va 14-oktabrdagi qo‘shimcha komission sud tibbiyot ekspertiza xulosalarida A.I.ning o‘limi yuqori nafas yo‘llari burun, og‘iz bo‘shlig‘ining suyuqlik bilan (suv) berkitilishidan vujudga kelgan mexanik asfiksiya natijasida kelib chiqqani, badanida aniqlangan shilinmalar va jarohatlar xususiyati bo‘yicha uning o‘limidan so‘ng kanal bo‘ylab oqishi jarayonida notekis chegaralangan yuzaki jismlarga urilishi natijasida yuzaga kelgani, uning badanida qarshilik ko‘rsatish, urish, tepish, janjallashish natijasida kelib chiqqan tan jarohatlari aniqlanmagani, birlamchi xulosada o‘lim sababi cho‘kishning nafas yo‘llarini burun, og‘iz bo‘shlig‘ining suyuqlik (suv) bilan bekilishi natijasidagi spastik (nafas boylamalarining bekilib qolishi) dan vujudga kelgan mexanik asfiksiya oqibatida kelib chiqqani holati inobatga olinmagani sababli tafovut kelib chiqqani ko‘rsatilgan.

Shuningdek, A.I.ning o‘limi holati yuzasidan dastlabki ekspertiza tekshiruvi yuzasidan xulosa berishda yo‘l qo‘ygan xato va kamchiliklari uchun sud-tibbiy ekspert O‘.B.ga hayfsan intizomiy jazo chorasi qo‘llangan.

O‘tkazilgan tergovga qadar tekshiruv natijasiga ko‘ra, marhumning o‘limida biror-bir shaxsning harakatlarida jinoyat tarkibi aniqlanmagani sababli 17-oktabrda jinoyat ishi qo‘zg‘atishni rad qilish haqida qaror qabul qilingan.

Izoh
Asosiy yangiliklar
Mahalliy
O‘zbekistonda 175 kishining pasportiga IMEI kodlari noqonuniy ro‘yxatdan o‘tkazilgani aniqlandi
Dunyo
Pablo Eskobar buyrug‘i bilan portlatilgan Boeing, “Nevskiy ekspress” poyezdidagi terakt va sovet hukumatiga qarshi boshlangan Slutsk qo‘zg‘oloni. Kun xronologiyasi...
Mahalliy
Uy-ro‘zg‘or ishlari ayollarning iqtisodiy faolligini tushiradi: O‘zbek ayolining martabaga erishish imkoniyatlari tahlil qilindi