Bugun,

  • USD 11095.31
  • RUB 173.84
  • EUR 10772.44

Mashhurlarning ajrimi deyarli har doim yuqori darajadagi sud jarayonlari, o‘zaro ayblovlar va ommaviy axborot vositalarining diqqat markazida bo‘ladi. Qoida tariqasida, ko‘pchilik shunchaki ajrashish sababini taxmin qiladi. Biroq yulduzlar barcha haqiqatni va ularning sevgi qayig‘i nima uchun oilaviy bo‘rondan omon qolmagani haqida ochiq gapirishga qaror qildi, deb yozadi Harper’s Bazaar Kazakhstan.

Bred Pitt va Jennifer Eniston

Foto: Harper’s Bazaar Kazakhstan

Foto: Harper’s Bazaar Kazakhstan

Bred Pitt va Jennifer Eniston besh yillik munosabatdan keyin 2005-yilda ajrashdi. “Hech kim noto‘g‘ri ish qilmagan. Biz bir-birimizga faqat baxt tilaymiz. Nimani nazarda tutganimni tushungandirsiz? Ba’zida shunday narsalar ham sodir bo‘ladi”, — dedi Jennifer Eniston ajrim haqida.

Anjelina Joli va Bred Pitt

Foto: Harper’s Bazaar Kazakhstan

Foto: Harper’s Bazaar Kazakhstan

Anjelina Joli va Bred Pitt 2005-yilda uchrasha boshlagan, biroq 2014-yilga kelibgina turmush qurgan. Ammo oradan ikki yil o‘tib, juftlik ajrashish uchun sudga murojaat qilgan. Muvaffaqiyatsiz nikohda ikkisining ham aybi bor edi, biroq Bred Pitt asosiy sabab sifatida o‘zining ichkilikka berilganini ko‘rsatdi.

“Ya’ni, oila qurganimdan keyin ichishdan boshqa hamma narsani to‘xtatdim. Bu esa shunchaki muammoga aylandi”, — dedi aktyor.

Joli, o‘z navbatida, ajrashish uchun to‘liq javobgarlikni o‘z zimmasiga oldi:

“Hammasi mening aybim. Biz birga ishlagan vaqtlarda uchrashar edik. Bu biz uchun muloqot qilishning yaxshi usuli deb o‘yladim. Qaysidir ma’noda shunday edi, lekin tanganing boshqa tomoni ham bor ekan”, — deya fikr bildirdi Anjelina Joli.

Chenning Tatum va Jenna Devan

Foto: Harper’s Bazaar Kazakhstan

Foto: Harper’s Bazaar Kazakhstan

Chenning Tatum 2009-yilda Jenna Devan bilan turmush qurdi, ammo er-xotin 2018-yilda ajrashdi.

“Biz ko‘p yillar oldin bir-birimizni sevib qoldik va birga sehrli sayohatga chiqdik. Bir-birimizni qanchalik sevishimiz haqida mutlaqo hech narsa o‘zgarmadi, lekin sevgi — bu bizni turli yo‘llarga olib boradigan go‘zal sarguzasht. Bizning qarorimiz zamirida hech qanday sir yoki odobsiz voqealar yo‘q, faqat ikkita eng yaxshi do‘st bor — ular bir-birlariga yordam berish vaqti kelganini tushunadi. Biz hali ham bir oilamiz va hamisha Everlining mehribon, sadoqatli ota-onasi bo‘lib qolamiz”, — deya muxlislarga ajrimi haqda ma’lum qilgan sobiq juftlik.

Eshton Katcher va Demi Mur

Foto: Harper’s Bazaar Kazakhstan

Foto: Harper’s Bazaar Kazakhstan

Eshton Katcher va Demi Mur orasidagi 16 yosh farqni hisobga olmaganda ajoyib juftlik edi. Ular 2005—2011-yilgacha bir oila bo‘lib yashadi.

“Men Eshton bilan olti yillik turmushimni tugatishga katta qayg‘u va og‘riq bilan qaror qildim. Ayol, ona va rafiqa sifatida men muqaddas deb biladigan ma’lum qadriyatlarim hamda qasamlarim bor va ular bilan birga hayot kechiraman”, — dedi Demi Mur o‘zining ajrashish haqidagi bayonotida erining xiyonatiga ishora qilib.

Orlando Blum va Miranda Kerr

Foto: Harper’s Bazaar Kazakhstan

Foto: Harper’s Bazaar Kazakhstan

Orlando Blum va Miranda Kerr 2013-yilda uch yillik nikohdan keyin ajrashdi. Supermodel ularning munosabatlari bir-birlarida yaxshi taassurot qoldirmaganini aytib o‘tgan. Ammo u oralarida hech qanday adovat yo‘qligi, doimo do‘st bo‘lib qolishini qo‘shimcha qilgan.

Izoh
Asosiy yangiliklar
Mahalliy
Nukusda -16,2 daraja sovuq qayd etildi
Mahalliy
Angrenda sobiq hokim yordamchisi o‘zini otib o‘ldirdi
Dunyo
Ukraina elchixonalariga bombalar va hayvonlar a’zolari solingan 18 ta posilka jo‘natilgan