Xalqaro olimlar jamoasi Saturn yo‘ldoshlaridan biri Enseladada hayot ehtimoli borligi haqidagi farazlarni isbotlovchi dalillar topdi, deb xabar beradi “TASS”.
Xitoy universiteti geokimyogari Xao Jixua boshchiligidagi tadqiqotchilar Enseladaning muz bilan qoplangan okeanida biologik hayot uchun muhim element bo‘lgan erigan fosfor bo‘lishi mumkinligini taxmin qilishdi, deyiladi “Sinxua” axborot agentligida.
Fosfor inson va hayvonlarda suyaklar, hujayra membranalari va DNKning muhim tarkibiy qismidir. Ilgari olimlar sun’iy yo‘ldosh orqali vodorod, azot, kislorod va oltingugurt — hayotning paydo bo‘lishi uchun muhim bo‘lgan elementlarni topgan edi. Ammo fosforning yetishmasligi tufayli Enselada yashashga yaroqsiz hisoblangan.
Xao Jixua boshchiligidagi tadqiqotchilar Enselada okeanining qoyali tubidagi suv va jinslarning o‘zaro ta’siri modelini yaratdi.
“Sayyoradagi okean suvi juda ishqoriy (juda sho‘r), shuningdek, u kislorodga to‘yinmagan bo‘lib, xuddi Yerdagi odamlar ichadigan gazlangan mineral suvga o‘xshaydi”, — deydi Xao Jixua.
Uning so‘zlariga ko‘ra, bunday “turli xildagi mineral tuzlardan tashkil topgan” muhitda tog‘ jinslaridagi fosforning okeanda erishi uchun taxminan 100 ming yil kerak bo‘lgan.
Izoh (0)