Egey dengizidagi Gretsiyaning Kitera va Lesbos orollari yaqinida biryo‘la ikkita muhojirlar qayig‘i halokatga uchradi. Fojia 6-oktabrga o‘tar kechasi yuz berdi, oqibatda kamida 15 kishi halok bo‘ldi, deb xabar bermoqda Kathimerini.
Qayd etilishicha, Lesbos hududida cho‘kib ketgan qayiqda 40 ga yaqin odam bo‘lgan. Ulardan 15 nafari halok bo‘ldi, yana o‘n nafari qutqarildi. Muhojirlarning bir qismi qirg‘oqqa o‘zi chiqqan. Qutqaruv xizmatlari operatsiyani davom ettirmoqda.
Baland qoyalardan iborat Kitera sohilida halokatga uchragan qayiq bortida esa 95 kishi bo‘lgan. Ularning aksariyati – 80 nafari qutqarib olindi, operatsiya davlat va ko‘ngilli tashkilotlar ishtirokida davom etmoqda.
Qutqaruv ishlari yomon ob-havo sabab murakkablashmoqda, orollar yaqinida kuchli shamol esmoqda.
Izoh (0)