Bugun,

  • USD 11095.31
  • RUB 173.84
  • EUR 10772.44

AQSH sobiq prezidenti Donald Tramp tuhmat uchun CNN telekanalini sudga berib, undan 475 million dollar tovon talab qilmoqda. Bu haqda Florida Janubiy okrugi sudi saytidagi hujjatlarda aytilgan.

Foto: POOL

Foto: POOL

“Telekanal da’vogar haqidagi ma’lumotlarni salbiy tomondan talqin qildi va u haqidagi barcha ijobiy ma’lumotlarni e’tiborsiz qoldirdi. CNN o‘zining ulkan ta’siridan go‘yoki ‘ishonchli’ axborot manbasi sifatida foydalanib, da’vogarni siyosiy jihatdan mag‘lub etish uchun tomoshabinlar va o‘quvchilarning ongini yuvishga harakat qildi”, — deyiladi sudga yuborilgan da’voda.

Da’voga ko‘ra, CNN ayniqsa 2020-yilgi prezidentlik saylovlarida “Trampni surib tashlash” uchun o‘z ta’siridan foydalangan.

Trampning advokatlari ta’kidlashicha, “CNN tomonidan da’vogarni qoralash va haqorat qilish kampaniyasi so‘nggi oylarda kuchaygan, chunki telekanal 2024-yilgi saylovlarda Tramp prezidentlikka nomzodini qo‘yishidan xavotirda”.

The Hill ta’kidlashicha, tuhmatni isbotlash uchun davlat amaldorlari va boshqa jamoat arboblari jurnalistlar o‘z xabarlarida chinakam g‘araz yoki haqiqatni mensimaslik bilan ish tutganini ko‘rsatib bera olishi kerak. Amalda buni Qo‘shma Shtatlarda isbotlash juda qiyin. Misol uchun, The New York Times gazetasi 50 yildan ortiq vaqt davomida tuhmat bo‘yicha birorta ishda aybdor deb topilmagan.

Tramp prezidentlik davrida ham Demokratik partiyaga yaqin hisoblangan Amerika ommaviy axborot vositalarini tanqid qilgan va ularni “feyk xabarchilar” deb atagan.

Izoh
Asosiy yangiliklar
Mahalliy
O‘zbekistonda 175 kishining pasportiga IMEI kodlari noqonuniy ro‘yxatdan o‘tkazilgani aniqlandi
Dunyo
Pablo Eskobar buyrug‘i bilan portlatilgan Boeing, “Nevskiy ekspress” poyezdidagi terakt va sovet hukumatiga qarshi boshlangan Slutsk qo‘zg‘oloni. Kun xronologiyasi...
Mahalliy
Uy-ro‘zg‘or ishlari ayollarning iqtisodiy faolligini tushiradi: O‘zbek ayolining martabaga erishish imkoniyatlari tahlil qilindi