Bugun,

  • USD 11095.31
  • RUB 173.84
  • EUR 10772.44

Shavkat Mirziyoyev qarori bilan Asaka, Farg‘ona, Paxtaobod, Nurobod va Andijon tumanlari hokimlari ishdan olindi. Bu haqda prezident matbuot kotibi xabar berdi.

Ta’kidlanishicha, yer munosabatlarini tartibga solishga oid qonunchilik hujjatlariga rioya etmagani, faoliyatida yo‘l qo‘ygan boshqa jiddiy qonunbuzilish holatlari uchun Asaka tumani hokimi Mansur Alixonov va Farg‘ona tumani hokimi Shuhrat Mo‘minov egallab turgan lavozimidan ozod etilgan.

Rahbarlik etikasi qoidalariga rioya etmagani, xizmat vakolatidan chetga chiqib qonunbuzilish holatlariga yo‘l qo‘ygani uchun Paxtaobod tumani hokimi Elyor Usmonov, Nurobod tumani hokimi Sherali Yuldashev egallab turgan lavozimidan ozod etildi.

Davlat xizmatchisi etikasiga nomunosib xatti-harakatlari, rahbarlik madaniyatini saqlamagani, o‘tkazilgan qabullarda fuqarolarga hurmatsizlikka yo‘l qo‘ygani va faoliyatidagi boshqa kamchiliklari uchun Andijon tumani hokimi Abdujabbor Egamberdiyev egallab turgan lavozimidan ozod etilgan.

Izoh
Asosiy yangiliklar
Dunyo
AQSH Yelsinning Ukraina haqidagi bayonotini maxfiylikdan chiqardi
Iqtisodiyot
Korrupsiya darajasi, iqtisodiy erkinlik indeksi: O‘zbekistonning xalqaro reytinglardagi o‘rni qanday o‘zgarmoqda?
Iqtisodiyot
O‘zbekistonda frilanserlik: ular qancha maosh oladi va nega ko‘paymoqda?