Farg‘onada fuqaroning plastik kartasidan 527 ming so‘m yechib olgan ayol qamoqqa olindi

Farg‘ona viloyati Qo‘qon shahrida tanishiga uning tilla taqinchoqlarini sotib berishini va’da qilib, so‘ng aldagan ayolga jinoyat ishi qo‘zg‘atildi. Bu haqda viloyat ichki ishlar boshqarmasi axborot xizmati xabar bermoqda.

Ma’lum bo‘lishicha, 11-yanvar kuni R.A. IIBga murojaat qilgan. Unda 9-yanvar kuni noma’lum shaxs internetdagi ОLХ kanaliga sotish maqsadida joylashtirgan qimmatbaho soatlarini sotib olishini aytganini bildirgan. Arizaga ko‘ra, u pullarni plastik kartaga o‘tkazib berishini aytib, kartaning maxfiy kodini qo‘lga kiritib, undagi 527 000 so‘m pulni boshqa kartaga o‘tkazish orqali talon-toroj qilgan.

Mazkur holat yuzasidan shahar IIB huzuridagi tergov bo‘limi tomonidan Jinoyat kodeksining 168-moddasi (firibgarlik) 1-qismi bilan jinoyat ishi qo‘zg‘atilgan. Olib borilgan tezkor qidiruv harakatlari davomida ushbu jinoyatni T.A. sodir etgani aniqlanib, sud tomonidan qamoqqa olish tarzidagi ehtiyot chorasi qo‘llanilgan.