Bugun,

  • USD 10940.05
  • RUB 182.26
  • EUR 11121.65

Nukus va Urganch garnizonlaridagi harbiy qismlar vakillari jangovar ruh, jamoaviy jipslik, akrobatik usullar, o‘tochar va sovuq qurollardan mohirlik bilan foydalanishni ko‘rgazmali qo‘l jangi musobaqasida namoyish etishdi. Bu haqda Shimoli-g‘arbiy harbiy okrug matbuot xizmati “Daryo”ga xabar qildi.

Foto: Shimoli-g‘arbiy harbiy okrug matbuot xizmati

Foto: Shimoli-g‘arbiy harbiy okrug matbuot xizmati

Qayd etilishicha, harbiy xizmatchilarning jismoniy imkoniyatlarini yuksaltirish, armiya qo‘l jangi va pichoq bilan jang qilish san’atini rivojlantirish, sportga keng jalb etish hamda sog‘lom turmush tarziga odat qilish maqsadida Mudofaa vazirligi qo‘shinlarida qo‘l jangi ko‘rgazmali musobaqa o‘tkazib kelinadi. Nukus garnizonidagi harbiy qism bazasida bo‘lib o‘tgan musobaqaning Shimoli-g‘arbiy harbiy okrug bosqichi jangovar shouga aylanib, kuchli raqobat, shiddat va matonat bilan kechgan.

Foto: Shimoli-g‘arbiy harbiy okrug matbuot xizmati

Foto: Shimoli-g‘arbiy harbiy okrug matbuot xizmati

Foto: Shimoli-g‘arbiy harbiy okrug matbuot xizmati

Foto: Shimoli-g‘arbiy harbiy okrug matbuot xizmati

Uch bosqichda o‘tkaziladigan ushbu musobaqa harbiy jamoalarning jipsligini ta’minlab, hamjihatlikda harakat qilish, jamoalarda jangovar ruhni yuksaltirish, qurol bilan murakkab qo‘l jangi elementlarini namoyish etish hamda bu sportni ommalashtirish kabi maqsadlarni o‘z ichiga oladi. Maydonda birin-ketin musobaqalashgan o‘nga yaqin jamoalar jamoaviy jipslikni, kuch, shijoat va mahoratni ko‘rgazmali tarzda namoyish eta oldi. Musobaqaning shaffofligi va adolatli kechishini ta’minlash maqsadida harbiy okrug qo‘mondonligi tomonidan hay’at a’zolari tuzilib, unda har bir jamoaning xatti-harakatlari odilona baholab borildi.

Foto: Shimoli-g‘arbiy harbiy okrug matbuot xizmati

Foto: Shimoli-g‘arbiy harbiy okrug matbuot xizmati

Bellashuv ikki yo‘nalishda, ya’ni 20 kishidan iborat jamoa tarkibida va 2 nafardan iborat juftlik tarkibida olib borildi. Jamoaviy tarkibda ishtirokchilarning ko‘rgazmali chiqishlari, maydonga kirib kelishi, tanlangan qo‘shiq sifati, kiyim rusumi, aktyorlik mahorati, ko‘rgazmaga yangilik kiritgani, akrobatik usullardan foydalangani hamda oyoq va qo‘l bilan berilgan zarbalarning samarasi kabi mezonlar bo‘yicha baholandi.

Juftlik bahslarini baholashda ikki nafar harbiy xizmatchi qurolsiz va qurol bilan ko‘rgazmali chiqishi hamda qo‘l jangi usullarini namoyish etishi, jangga yangilik yoki o‘ziga xoslik kiritgani hamda akrobatik usullarni bajarishi kabi mezonlarga e’tibor qaratildi. Jamoalarning mashqlarni bajarishda sinxron tarzda, tez, aniq va to‘xtovlarsiz bajarganiga qarab ularga qo‘yilgan ballar yuqorilab bordi.

Foto: Shimoli-g‘arbiy harbiy okrug matbuot xizmati

Foto: Shimoli-g‘arbiy harbiy okrug matbuot xizmati

Ishtirokchilarning barcha namoyishkorona chiqishlarida har xil turdagi tirik jonzotlarga ozor beruvchi, harbiy xizmatchi joniga xavf tug‘diruvchi amallardan foydalanilishi ta’qiqlandi.

Foto: Shimoli-g‘arbiy harbiy okrug matbuot xizmati

Foto: Shimoli-g‘arbiy harbiy okrug matbuot xizmati

Yakuniy natijalar bo‘yicha Urganch garnizonidagi harbiy qism vakillari birinchi o‘rinni, Nukus garnizonidagi harbiy qismning ikkita jamoasi ikkinchi va uchinchi o‘rinlarni qo‘lga kiritdi. Faxrli o‘rinlarga sazovor bo‘lgan jamoalar kubok, faxriy yorliq va qimmatbaho sovg‘alar bilan taqdirlandi. Bellashuvda g‘oliblikni qo‘lga kiritgan jamoa endilikda Mudofaa vazirligi miqyosida bo‘lib o‘tadigan musobaqaning final bosqichida harbiy okrug sharafini himoya qilish uchun yo‘l oladi.

Foto: Shimoli-g‘arbiy harbiy okrug matbuot xizmati

Foto: Shimoli-g‘arbiy harbiy okrug matbuot xizmati

Musobaqada tutun chiqaruvchi imitatsion vositalardan foydalanildi.

Izoh
Asosiy yangiliklar
Mahalliy
Navoiydagi ko‘p qavatli uylarda lift muammosi: aholi lift ishlamayapti desa, mas’ullar uning to‘xtatilishiga lift ichidagi o‘g‘rilik, fohishabozlik sabab demoqda
Mahalliy
“Daryo” kundaligida 26-sentabrda sodir bo‘lgan eng muhim voqealar
Mahalliy
“Toshkent hokimligi barcha OAV vakillari bilan ishlashga tayyor va hozirjavob bo‘ladi”. Zoir Mirzayevning matbuot kotibi jurnalistlar bilan muloqot qildi