Xalq ta’limi vazirligi 2021/2022-o‘quv yili boshlanishiga bir oydan kam muddat qolayotgani sabab farzandining maktabini o‘zgartirmoqchi bo‘lgan ota-onalarni bu ishni imkon qadar tezroq amalga oshirishga chaqirdi.
Qayd etilishicha, umumta’lim muassasalaridan yangi o‘quv yiliga tayyorgarlik bilan bog‘liq kechiktirib bo‘lmaydigan zarur tashkiliy choralarni ko‘rish talab etiladi.
Xususan, 1-sinf o‘quvchilarini “Prezident sovg‘asi” va o‘quvchilar soniga mos ravishda to‘liq darsliklar bilan ta’minlash, yangi qabul qilingan va maktabdan ketgan o‘quvchilar hisobini olgan holda sinflarni komplektlash, sinflar sonidan kelib chiqib o‘quv reja, dars soatlari taqsimoti (tarifikatsiya), o‘qituvchilar bilan ta’minlash ishlarini amalga oshirish lozim.
“Bu bilan xalq ta’limi tizimi mas’ullariga yakuniy hisob-kitobni qilib, zarur holatlarda darsliklarning qayta taqsimotini o‘z vaqtida amalga oshirishga yordam bergan bo‘lasiz.
O‘quv yilini muvaffaqiyatli boshlash va farzandingizning ta’lim olishida barcha zarur shart-sharoitlarni yaratish uchun bu juda muhim. Shu sababli sizdan ushbu yo‘nalishda e’tiborli bo‘lishingizni so‘rab qolamiz”, — deyiladi vazirlik murojaatida.
Mavzuga doir:
Izoh (0)