Bugun,

  • USD 10920.28
  • RUB 177.49
  • EUR 11052.42

Sirdaryo va Farg‘onada OTMga o‘qishga kiritish bilan bog‘liq noqonuniy holatlar aniqlandi. Bu haqda Davlat xavfsizlik xizmati xabar qildi.

Qayd etilishicha, Davlat bojxona qo‘mitasining Bojxona instituti xodimi E.Z. Sirdaryo viloyatining Sardoba tumanida yashovchi fuqaroning ishonchiga kirgan. Mazkur oliy ta’lim muassasasiga qabul tugaganini aytib, uning o‘g‘lini O‘zbekiston davlat jismoniy tarbiya va sport universitetiga o‘qishga kiritib qo‘yishini bildirgan. Xizmati evaziga 6 ming dollar talab qilgan.

E.Z. so‘ralgan pulni olgan vaqtida DXXning Sirdaryo viloyati bo‘yicha boshqarmasi hamda Iqtisodiy jinoyatlarga qarshi kurashish departamentining hududiy boshqarmasi xodimlari tomonidan ashyoviy dalillar bilan ushlangan.

Shuningdek, DXXning Farg‘ona viloyati bo‘yicha boshqarmasi va IJQK departamenti xodimlari hamkorlikda tezkor tadbir o‘tkazgan. Unda Bag‘dod tumanida yashovchi I.L. (1999-yilda tug‘ilgan) mazkur tumanda yashovchi ayolning qizini Toshkent tibbiyot akademiyasiga o‘qishga kiritib qo‘yishini aytgan. U buning uchun 10 ming dollar olgan vaqtida qo‘lga olingan.

Dastlabki surishtiruv harakatlari davomida u ushbu pul mablag‘ini Toshkent shahrida yashovchi Q.S. (1997-yilda Qashqadaryo viloyatining G‘uzor tumanida tug‘ilgan)ga olib borib berishi kerakligi ma’lum bo‘lgan. Tezkor tadbir Toshkent shahrida davom ettirilgan hamda Q.S. ham pulni olgan vaqtida ushlangan.

Har ikki holat yuzasidan qonunbuzarlarga nisbatan jinoyat ishlari qo‘zg‘atilgan. Hozirda tergov harakatlari olib borilmoqda.

Izoh
Asosiy yangiliklar
Mahalliy
“Bunday shaxslarning O‘zbekistonga kirishini umrbod taqiqlash kerak”. Alisher Qodirov boshqa davlatning harbiy harakatiga yollanadiganlar haqida
Madaniyat
51 yoshli xonanda Nargiz Zokirova farzand kutmoqda (foto)
Mahalliy
“Farzandlariga moddiy yordam ajratiladi, hayotda o‘z o‘rnini topishiga ko‘maklashiladi”. Farg‘onadagi zavod vafot etgan xodimi bolalarini o‘z qaramog‘iga oldi