2022-yilda Samsung kompaniyasining qaysi yo‘nalish trendlari o‘rta va yirik korxonalarni hayratda qoldiradi?
Samsung Electronics Central Eurasia (SECE) tomonidan 1-mart kuni Toshkentda o‘zbek kompaniyalari rahbarlari uchun zamonaviy biznes samaradorligini oshirishga qaratilgan qator innovatsion yechimlar va mahsulotlar taqdimoti bo‘lgan B2B formatdagi konferensiya o‘tkazildi.
Tashkilotlar faoliyatida tijoriy ekranlarning ahamiyati oshmoqda va Samsung mazkur segmentga alohida e’tibor qaratmoqda. Kompaniya The Wall nomli flagman mahsulotini taqdim qildi. The Wall — yirik formatli modulli monitor bo‘lib, uning afzal jihatlari oliy rahbariyatning shaxsiy kabinetlari yoki majlislar zali, monitoring markazlari va nazorat punktlari kabi kuzatuv, koordinatsiya olib boriladigan joylarda yaqqol seziladi.
Shunigdek, biznesning har qanday talablariga mos keluvchi professional vizualizatsiya liniyalarining kengaytirilgan imkoniyatlari ham doimiy texnik yordam va servis xizmatlari bilan birgalikda namoyish etildi. Bular maxsus dasturiy ta’minotga ega sensorli ekran, ya’ni alohida tik turuvchi monitorlardan tortib, ingichka chokli displeyli video devorigacha.
Ba’zi yechimlar ma’lum sohalarga moslashtirilgan. Shu jumladan, Samsung Flip3 interaktiv displeyi auditoriyani jalb qilish va raqamli kontentni oson ko‘rish orqali o‘qituvchi va o‘quvchilar orasidagi aloqalarni yaxshilashning eng yaxshi yo‘li. Mehmonxona televizorlari nafaqat mehmonlarga turli-tuman ko‘ngilochar kontent “taklif etadi”, balki mehmonxona infratuzilmasi bilan muloqotni yaxshilaydi. Masalan, xodimlar bilan tezkor va qulay aloqa. Samsung displeylari allaqachon muvaffaqiyatli foydalanib kelinmoqda, masalan, O‘zbekistonning besh yulduzli mehmonxonalarida mehmonlarga o‘ziga xos qulaylik yaratish uchun.
Korporativ segmentga mo‘ljallangan liniyalar bulut xizmatlari yordamida ishchi kompyuterlar unumdorligidan foydalangan holda masofadan turib ishlash imkonini beruvchi innovatsion smart displeylar bilan to‘ldirildi. Yangi mahsulotlar tufayli og‘ir texnikalarni tashishga zarurat qolmaydi va bu shaxsiy kompyuter yo‘q bo‘lgan holatda ideal yechimdir. Ko‘ngilochar soha haqida so‘zlasak, Odyssey monitorlari — kuchli, egilgan o‘yin monitorlar bo‘lib, o‘yinlar, shu jumladan, og‘ir grafikali o‘yinlar, o‘ynash uchun o‘ziga xos yechim va xususiyatlarga ega.
Eng yuqori darajadagi universal himoyaga ega mobil B2B mahsulotlari ekstremal sharoitlarda ishlashga mo‘ljallangan. Maxsus g‘ilofli Galaxy Tab Active3 plansheti va Galaxy XCover 5 smartfoni zarba va tushib ketishlarga nisbatan yuqori chidamlilikka ega, issiq, sovuq, chang va namlikdan ham o‘ziga xos turg‘unligi bor. Ularni hatto qo‘lqop kiygan holda ham ishlatish mumkin.
Konferensiya ishtirokchilari 14,6 dyuymli Super Amoled ekranga ega, kuchli flagman Galaxy Tab S8 Ultra biznes plansheti bilan ham tanishishdi. Qurilma videokonferensiyalarda 4K sifatdagi tasvirlarni uzatuvchi 2 ta 12 Mp frontal kameraga ega, yuqori sifatli ovoz esa 3 ta yuqori aniqlikdagi, shovqin kamaytirish xususiyatiga ega mikrofonlar tomonidan ta’minlanadi. Poliuretan teridan yasalgan, yonib turuvchi tishlari va egilish burchagiga ega g‘ilof ustidagi klaviaturasi tufayli Tab S8 Ultra bilan ishlash maksimal darajada qulay.
Biznesga mo‘ljallangan mobil qurilmalar shaxsiy ma’lumotlarni shifrlovchi, saqlangan fayllar va ma’lumotlarni asosiy operatsion tizimdan alohida saqlovchi va xakerlik hujumidan himoyalovchi Samsung Knox yetakchi xavfsizlik platformasi bilan himoyalangan. Shuningdek, protsessor qurilmaga apparat orqali buzib kirishda (proshivka qilingan vaqtda) ham qimmatli ma’lumotlarni olishga ruxsat bermaydi.
“Bizning mobil yechimlariz turli-tuman sohalarda foydalanilishi mumkin: bank ishlari va davlat sektoridagi ishlardan to neft-gaz sanoati va logistikagacha. Samsung taklif qilayotgan biznes yechimlari samaradorlikni oshiradi va eng qiyin vazifalarni bajarishda yordam beradi”, — deya ta’kidladi Samsung’ning mobil yechimlar bo‘yicha korporativ biznes rahbari Ruslan Yesimov.
Shuningdek, Samsung O‘zbekiston B2B segmentida, ayniqsa, hozirgi jadal iqtisodiy o‘zgarishlar davrida ustuvor bozor ekanligini ta’kidlaydi.
“O‘zbekiston B2B bozorining talabi ortadi va shunga mos ravishda Samsung’ning innovatsion va samarali biznes yechimlariga talab yuqori bo‘ladi”, — deya ishonch bilan ta’kidlaydi Yerik Yermekov, Samsung’ning Markaziy Osiyodagi korporativ biznesi rahbari.
Shuningdek, u Samsung mahsulotlari hozirgi kunda O‘zbekistonda nafaqat yirik xalqaro kompaniyalar tomonidan, balki o‘zgarishlarga bosh bo‘lishni istayotgan mahalliy tadbirkorlar tomonidan ham yuqori qiziqish uyg‘otayotgani haqida ta’kidlab o‘tdi.
Yuqorida aytib o‘tilgan Samsung yechimlaridan birini sotib olish uchun Central Asia Distribution MChJ rasmiy distribyutoriga murojaat qilishingiz yoki Samsung’ning rasmiy vakili bilan telefon (+7-701-962-9210) orqali bog‘lanishingiz mumkin.
E-mail: r.smirnov@samsung.com
Reklama huquqi asosida.
