Qozog‘iston Milliy banki mamlakat mustaqilligining 30 yilligiga bag‘ishlab, 20 ming tenge nominalidagi yubiley banknotani muomalaga chiqaradi, deb xabar beradi “Zakon.kz”.
Foto: “Zakon.kz”
“Yubiley banknotaning dizayni noyob texnologiya bo‘yicha tayyorlangan: dunyoda birinchi bor banknotning butun vertikali bo‘ylab joylashgan va nominalning gologramma tasviri, Mustaqillikning 30 yilligi logotipi va davlat rahbari Qosim-Jo‘mart To‘qayev faksimilesi aks ettirilgan metallsizlangan chiziqlardan foydalanildi”, — deyiladi xabarda.
Ta’kidlanishicha, yubiley banknota 27 ta himoya elementlarini o‘zida jamlagan. Banknota dizayni muomaladagi banknotalar bilan bir xil uslubda tayyorlangan: old tomonida ustuvor vertikal tasvirlar joylashgan, orqa tomonida — gorizontal.
Old tomonidan Qozog‘istonning davlat ramzlari, mamlakatning birinchi prezidenti Nursulton Nazarboyevning golografik portreti, “Qozoq eli” monumenti, triumfal arka tasvirlangan. Orqa tomonida esa elboshining portreti, Nur-Sulton shahrining panorama ko‘rinishi va Akorda qarorgohini ko‘rish mumkin.
Foto: “Zakon.kz”
Banknota asosan kulrang rangdan iborat bo‘lib, o‘lchami 155 x 79 millimetrni tashkil etadi.
