Video: Qamchiq dovonida yog‘ayotgan qor

Qamchiq dovonida 25-noyabr kuni qor yog‘a boshladi. YHXBB matbuot xizmati holat aks etgan videoni e’lon qildi.

Boshqarma dovondan o‘tgan avtomobil yo‘lining 228—250-kilometrlarida qor yog‘ishda davom etayotganini bildirib, haydovchilarni ogohlantirgan.

“Tezlik me’yoriga rioya qilgan holda, oraliq masofani saqlab, o‘ta ehtiyotkorlik bilan harakatlanishni so‘raymiz”, — deyiladi YHXBB xabarida.

Eslatib o‘tamiz, 25-noyabr kuni respublikaning tog‘oldi va tog‘li hududlarida havo o‘zgarib turishi, ba’zi joylarda yomg‘ir, qor yog‘ishi, tuman tushishi mumkinligi aytilgan.