Toshkentdagi “Beruniy” maydonida transportda tegajog‘likka qarshi kurashish kampaniyasi bo‘lib o‘tdi

Toshkentda transportda tegajog‘likka qarshi kurashish kampaniyasi boshlandi. Unda Isroil elchisi Zehavit Ben-Hillel va “Toshshahartransxizmat” AJ raisining birinchi o‘rinbosari Agzam Abdushukurovich Abdullayev ishtirok etdi.

Aksiya “Beruniy” metro bekatida talabalar shaharchasi markazida o‘tkazilishi orqali, yoshlarga jamoat transportida tegajog‘lik holatlarini tushuntirish asosiy maqsad qilib qo‘yildi va shu sababli ma’lumot beruvchi flayerlar tarqatildi.

Jamoat transportida tegajog‘lik (frotterizm) muammosi doimo mavjud bo‘lgan, ammo bu haqda ochiq gapirish qabul qilinmagan, bu esa bir qator boshqa muammolarni keltirib chiqardi:

• jamoat transportida tegajog‘likning oldini olish bo‘yicha axborot kampaniyalari va boshqa chora-tadbirlarning yo‘qligi;
• jamoat transportida tegajog‘likka to‘qnashuv holatlarida o‘zini to‘g‘ri tuta olmaslik;
• jamoat transportida tegajog‘lik holatlari kuzatilganda yordam so‘rash mexanizmlarining yo‘qligi;
• ta’qiblar qurbonlari tomonidan vaziyatni noto‘g‘ri idrok etish, jamiyat oldida hukm qilinishdan qo‘rqish, “bu o‘zi aybdor”.

Aksiya doirasida frotterizm.uz axborot sayti ishga tushirildi, “Beruniy” bekatida frotterizm haqida flayerlar tarqatildi, Jamoat transportida jabrlanganlar va zo‘ravonlik guvohlari uchun yo‘riqnomalar yozilgan ma’lumot bannerlari avtobuslarga o‘rnatildi, yangi chiptalar sotuvga chiqarilishi rejalashtirilgan.