Buxoro shahrida to‘xtab turgan Cobalt’da yong‘in chiqib, mator va old salon qismlariga zarar yetdi. Bu haqda viloyat FVB matbuot xizmati xabar berdi.
Voqea 24-sentabr kuni soat 19:53 da yuz bergan. T.Farog‘iy ko‘chasi 67-uy oldida turgan J. M.ga tegishli Cobalt’da yong‘in chiqib, avtomobilning motor va old salon qismlari yongan. O‘t o‘chiruvchilar soat 20:04 da yong‘inni batamom o‘chirgan.
Qayd etilishicha, hodisa oqibatida fuqarolarning kuyish tan jarohati va halok bo‘lish holatlari aniqlanmagan. Hozirda yong‘inning kelib chiqish sababi hamda moddiy zarari aniqlanmoqda.
Eslatib o‘tamiz, Qarshida harakatlanib ketayotgan Nexia’da, Toshkentda harakatlanayotgan Hyundai Sonata’da yong‘in chiqqandi. Jizzaxdagi zapravkada “Jiguli”, Toshkentda YTHga uchrab ag‘darilgan Lada Samara, Samarqandda to‘xtab turgan Captiva, Qarshida harakatlanib ketayotgan Lacetti esa butunlay yonib ketgandi.
