Bugun,

  • USD 11095.31
  • RUB 173.84
  • EUR 10772.44

O‘zbekiston Prezidentining matbuot kotibi Sherzod Asadov “Qalampir.uz” jurnalisti bilan bog‘liq voqea yuzasidan bayonot berib, ushbu harakat Prezidentning shaxsan o‘zi kafolatlayotgan so‘z erkinligiga tahdid sifatida qabul qilinishini ma’lum qildi, deb xabar beradi “Kun.uz”.

Foto: “Daryo” / Madina Nurman

Foto: “Daryo” / Madina Nurman
Yaqinda yurtimiz jamoatchiligi, ayniqsa, jurnalistlar hamjamiyati orasida katta rezonans keltirib chiqargan bir voqea haqida bir necha so‘z aytmoqchiman. Gap, barchangizga ma’lum bo‘lganidek, “Qalampir.uz” jurnalistiga qarshi uyushtirilgan tazyiq haqida ketmoqda.

Inson sha’niga, qadr-qimmatiga putur yetkazish, uni obro‘sizlantirish, tuhmatdan iborat “feyk”larni tarqatishda ifodalangan ushbu jirkanch holatni hech narsa bilan oqlab bo‘lmaydi. Ayniqsa, bunday xatti-harakatlar Prezidentimiz “Qo‘rqmanglar, ortingizda men turibman!” deb aytgan so‘zlaridan keyin jurnalistlarga nisbatan sodir etilayotgan bunday voqealar jiddiy tashvishga soladi.

Men yana bir bor ishontirib aytamanki, jurnalistlar va ularning professional faoliyati qonun himoyasida, Prezident matbuot kotibi sifatida mening va Axborot va ommaviy kommunikatsiyalar agentligining doimiy e’tiborida. Jurnalistga tazyiq ko‘rsatish holatlarini, ayniqsa, bunday xunuk urinishlarni hurmatli Prezidentimiz shaxsan o‘zlari kafolatlayotgan so‘z erkinligiga tahdid sifatida qabul qilamiz.

Shu munosabat bilan huquq-tartibot organlarini tez fursatda ushbu holatni sinchkovlik bilan o‘rganishga, aybdorlarga qonuniy chora ko‘rishga chaqiraman.

Sherzod Asadov, Prezident matbuot kotibi

Eslatib o‘tamiz, 7-avgust kuni ijtimoiy tarmoqlarda jurnalist Feruza Najmiddinovani obro‘sizlantirishga qaratilgan video tarqaldi. Ushbu holat yuzasidan Oliy Majlis Senati, Axborot va ommaviy kommunikatsiyalar agentligi, O‘zbekiston jurnalistlari ijodiy uyushmasi, Milliy mass-mediani qo‘llab-quvvatlash va rivojlantirish jamoat fondi, “Yuksalish” umummilliy harakati rasmiy bayonot berdi, qator jurnalistlar munosabat bildirdi.

Izoh
Asosiy yangiliklar
Dunyo
“Turkiya yangi dunyo tartibining markazida bo‘lishi kerak” — Erdo‘g‘on
Mahalliy
Andijonda 41 kishi jarohatlangan avtohalokat qurbonlari soni 4 nafarga yetdi
Mahalliy
O‘zbekistonda pomidor narxi barqarorlashdi