Dzyudo bo‘yicha -73 kg vazn toifasida qatnashayotgan Hikmatulloh To‘rayev Tokio—2020 Olimpiadasidagi ishtirokini boshladi.

Foto: Getty Images

O‘zbekiston vakili 1/16 finalda germaniyalik Igor Vandtkega qarshi bahsda g‘alaba qozondi va 1/8 finalga chiqdi. To‘rayevga keyingi bosqichda janubiy koreyalik Chan Rim An raqiblik qiladi.

Shu tariqa Hikmatulloh o‘zbekistonlik dzyudochilarning Tokio—2020 dagi muvaffaqiyatsiz seriyasiga barham berdi. Dastlabki kunda Sharofiddin Lutfullayev (-60 kg), 25-iyul kuni esa Diyora Keldiyorova (-52 kg) va Sardor Nurillayev (-66 kg) mag‘lubiyat sabab, ishtirokni erta yakunlagandi.