Prezident Shavkat Mirziyoyev Hakim at-Termiziy maqbarasini ziyorat qildi

Prezident Shavkat Mirziyoyev bugungi ish kunini Hakim at-Termiziy maqbarasi ziyoratidan boshladi. Bu haqda davlat rahbari matbuot xizmati xabar berdi.

“Yaratgandan yurtimizga tinchlik-farovonlik tilab duolar qilindi. Ziyolilar bilan suhbatda alloma bobolarimizning ma’rifiy merosini chuqur o‘rganish, yoshlarni bilimli va fazilatli insonlar etib tarbiyalash haqida so‘z yuritildi”, — deyiladi xabarda.

Avvalroq Shavkat Mirziyoyev Surxondaryodagi qator tumanlarda ochiladigan yangi tadbirkorlik subyektlarini soliqlardan ozod etishni taklif qilgani, Termizdagi Afghan bazar carpets korxonasi faoliyati bilan tanishgani to‘g‘risida xabar berilgandi. Mavzuga doir: 

• “Surxondaryo viloyatida infratuzilmani yaxshilash uchun 1,9 trillion so‘m mablag‘ ajratilyapti” — Shavkat Mirziyoyev
• Shavkat Mirziyoyev: “Koronavirus ko‘zimizni ochdi”

Ma’lumot uchun, davlat rahbari ushbu viloyatga so‘nggi marta 2019-yilning oktabrida borgan edi. O‘shanda ham Prezident viloyatga tashrifini, an’anaga ko‘ra, Hakim at-Termiziy maqbarasi ziyoratidan boshlagan.