Italiya A Seriyasining 2020/21-yilgi mavsumdagi eng yaxshilari aniqlandi

Italiya A Seriyasida 2020/21-yilgi mavsumning eng yaxshilari aniqlandi.

“Inter” hujumchisi Romelu Lukaku 2020/21-yilgi mavsumning eng yaxshi futbolchisi deb topildi. Belgiyalik futbolchi ortda qolgan futbol yilida 36 ta o‘yin o‘tkazib, 24 ta gol va 11 ta golli uzatmaga mualliflik qildi.

“Yuventus” hujumchisi Krishtianu Ronaldu esa mavsumning eng yaxshi hujumchisi deb topildi. Ronaldu 33 o‘yinda 29 ta gol va 3 ta assistni amalga oshirdi va A Seriyaning eng yaxshi to‘purari bo‘ldi.

Shuningdek, boshqa pozitsiyalar bo‘yicha ham eng yaxshilar aniqlandi:

• Eng yaxshi darvozabon: Janluiji Donnarumma (“Milan”) — 37 o‘yindan 13 tasi “quruq”;
• Eng yaxshi himoyachi: Kristian Romero (“Atalanta”) — 31 o‘yin, 2 tadan gol va assist;
• Eng yaxshi yarim himoyachi: Nikolo Barella (“Inter”) — 36 o‘yin, 3 gol, 7 assist.

“Inter” 2020/2021-yilgi mavsumda A Seriyada 11 yillik tanaffusdan so‘ng chempionlikni qo‘lga kiritdi. “Atalanta”, “Milan” va “Yuventus” esa Chempionlar Ligasi yo‘llanmasiga ega chiqdi.