Bunyodjon Oxunov Innovatsion rivojlanish vazirligi huzuridagi Ilm-fanni moliyalashtirish va innovatsiyalarni qo‘llab-quvvatlash jamg‘armasi ijro etuvchi direktori etib tayinlandi.
Adliya vazirligi matbuot xizmati xabariga ko‘ra, bu haqda 25-may kuni hukumatning tegishli qarori qabul qilingan.
Mazkur jamg‘arma Prezidentning 2021-yil 1-apreldagi farmoni bilan Innovatsion rivojlanish va novatorlik g‘oyalarini qo‘llab-quvvatlash jamg‘armasiga Innovatsion rivojlanish vazirligi huzuridagi Ilmiy va ilmiy-texnik faoliyat natijalarini tijoratlashtirish Prezident jamg‘armasini va Yoshlar akademiyasining iqtidorli yoshlarni qo‘llab-quvvatlash jamg‘armasini qo‘shib olish yo‘li bilan tashkil etilgan.
Tayinlovga qadar Bunyodjon Oxunov Innovatsion rivojlanish va novatorlik g‘oyalarini qo‘llab-quvvatlash jamg‘armasi ijrochi direktori lavozimida ishlab kelgan.
Avvalroq O‘zbekistonning Ummondagi elchisi tashqi ishlar vaziri maslahatchisi etib, Islom sivilizatsiyasi markazi direktori Shoazim Minovarov Prezident maslahatchisi etib tayinlangani haqida xabar berilgan edi.