Бунёджон Охунов Инновацион ривожланиш вазирлиги ҳузуридаги Илм-фанни молиялаштириш ва инновацияларни қўллаб-қувватлаш жамғармаси ижро этувчи директори этиб тайинланди.
Адлия вазирлиги матбуот хизмати хабарига кўра, бу ҳақда 25 май куни ҳукуматнинг тегишли қарори қабул қилинган.
Мазкур жамғарма Президентнинг 2021 йил 1 апрелдаги фармони билан Инновацион ривожланиш ва новаторлик ғояларини қўллаб-қувватлаш жамғармасига Инновацион ривожланиш вазирлиги ҳузуридаги Илмий ва илмий-техник фаолият натижаларини тижоратлаштириш Президент жамғармасини ва Ёшлар академиясининг иқтидорли ёшларни қўллаб-қувватлаш жамғармасини қўшиб олиш йўли билан ташкил этилган.
Тайинловга қадар Бунёджон Охунов Инновацион ривожланиш ва новаторлик ғояларини қўллаб-қувватлаш жамғармаси ижрочи директори лавозимида ишлаб келган.
Аввалроқ Ўзбекистоннинг Уммондаги элчиси ташқи ишлар вазири маслаҳатчиси этиб, Ислом цивилизацияси маркази директори Шоазим Миноваров Президент маслаҳатчиси этиб тайинлангани ҳақида хабар берилган эди.