Britaniyaning Flawless kompaniyasi dublyajni aktyorlar mimikasi bilan dasturiy ta’minot yordamida sinxronlashtira oladigan TrueSync dasturini yaratdi, deb xabar beradi Meduza.
Foto: Gizmodo
Bu ekrandagi insonning lab va yuz mushaklari harakati ovoz berayotgan aktyorning gaplariga mos kelishini bildiradi. Neyrotarmoq aktyorlar mimikasini o‘zi tahlil qiladi va ularning yuzini dipfeykga almashtirib, dublyajga moslaydi.
Bu masalan, TrueSync promologida ko‘rsatilganidek, Robert De Niro suratga olish vaqtida o‘z nutqini ingliz emas, nemis tilida so‘zlagandek ko‘rinadi:
Avvalroq MyHeritage sayti fotoportretlarni xuddi “Garri Potter”dagi kabi “jonlantirish”ni o‘rganib olgani to‘g‘risida xabar berilgandi.
