Navbat 2000-yillar yulduzlariga: Migel Kotto Xuan Manuel Markesga qarshi jang qiladi
Boks bo‘yicha to‘rtta divizion sobiq chempioni Migel Kotto (41-6, 33 KO) to‘rtta vazn toifasida sobiq Jahon chempioni Xuan Manuel Markesga (56-7-1, 40 KO) qarshi ko‘rgazmali jang o‘tkazadi.
ESPN nashrining xabar qilishicha, jang 12-iyun kuni Mayamida bo‘lib o‘tadi.
40 yoshli Kotto so‘nggi jangini 2017-yilning dekabrida Sadam Aliga qarshi o‘tkazib, hakamlar qaroriga ko‘ra mag‘lub bo‘lgandi. 47 yoshli Markes esa faoliyatini 2014-yilda tugatgan.
Ma’lumot uchun, Migel Kotto boksdagi faoliyati mobaynida o‘zbekistonlik bokschi Muhammadqodir Abdullayevga qarshi ikki bor to‘qnash kelgan. Havaskor boksda Muhammadqodir Sidney—2000 Olimpiadasida kechgan jangda g‘alaba qozongan, professional ringda esa Kotto 2005-yilgi bellashuvda Abdullayevni 9-raundda nokautga uchratgandi.
Mavzuga doir: Mayk Tayson va Roy Jons o‘rtasidagi yil jangida durang qayd etildi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
