Bugun,

  • USD 11095.31
  • RUB 173.84
  • EUR 10772.44

O‘zbekiston Xitoy bilan hammualliflikda yaratilgan koronavirusga qarshi ZF-UZ-VAC 2001 vaksinasining 1 milliondan ortiq dozasini xarid qilish bo‘yicha kelishuvga erishdi. Vaksinani yetkazib berish ishlari mart o‘rtalarida boshlanadi. Bu haqda innovatsion rivojlanish vaziri Ibrohim Abdurahmonov Sinxua agentligiga bergan intervyusida ma’lum qildi.

Foto: Innovatsion rivojlanish vazirligi

Foto: Innovatsion rivojlanish vazirligi

“Ko‘ngillilarda o‘tkazilgan sinovlar koronavirusga qarshi Xitoy vaksinasi xavfsiz va samarali ekanligini ko‘rsatdi. O‘zbekistonda Xitoy vaksinasining uchinchi bosqich sinovlari o‘tgan yilning dekabrida boshlangan edi. Ayni vaqtda 7 mingdan ortiq ko‘ngilli tadqiqotda ishtirok etdi”, — deydi u.

Vazirning ta’kidlashicha, sinovlar yaxshi natija ko‘rsatgan, emlangan ko‘ngillilarning aksariyatida nojo‘ya ta’sirlar kuzatilmagan.

“Bemorlarning juda kam qismida allergik reaksiyalar va tana haroratining ko‘tarilishi kuzatildi. Ushbu belgilar nazorat ostida olindi va uch-to‘rt hafta ichida emlangan barcha insonlar o‘zini yaxshi his qilgan, oddiy hayotga qaytgan”, — deydi Abdurahmonov.

Shuningdek, vazir hozirda O‘zbekiston Xitoy tomoni bilan 1 million dozadan ortiq vaksinani xarid qilish bo‘yicha kelishuvga erishilganini ma’lum qilgan.

“Ushbu vaksinalar O‘zbekistonga yetkazib berilgach, taxminan, mart oyining o‘rtalarida mamlakat aholisini ommaviy emlash boshlanadi”, — deydi u.

Avvalroq O‘zbekistonda ZF-UZ-VAC 2001 vaksinasi birinchi bo‘lib foydalanish uchun ro‘yxatdan o‘tkazilgani to‘g‘risida xabar berilgandi.

Eslatib o‘tamiz, Maxsus komissiya qaroriga ko‘ra, O‘zbekistonda Rossiyaning Gamaleya ilmiy-tadqiqot markazi tomonidan ishlab chiqilgan “Sputnik V” vaksinasini qo‘llashga ham ruxsat berilgandi. Koronavirusga qarshi kurashish tadbirlari va vaksina uchun 3 trillion so‘m ajratish rejalashtirilgan.

Izoh
Asosiy yangiliklar
Mahalliy
“Daryo” kundaligida 2-dekabrda sodir bo‘lgan eng muhim voqealar
Mahalliy
“Ifloslantiruvchi to‘laydi” tamoyili, “yashil sertifikatlar”, energiya ulushini kamaytirish: Mirziyoyev “yashil” iqtisodiyot taqdimoti bilan tanishdi
Dunyo
Britaniya razvedkasi Rossiya Ukrainadagi urushda quruqlikdan hujum qilolmayotgani sababini tushuntirdi