“Barselona” 2003-yilning yozida Krishtianu Ronalduni sotib olishi imkoniyatiga ega bo‘lgani ma’lum bo‘ldi. Bu haqda katalonlarning o‘sha vaqtdagi prezidenti Joan Laporta aytib o‘tdi.

Foto: Twitter

Biz Ronaldinyo va Rafael Markes bilan shartnoma imzolash arafasidan turgandik. Markesning vakillari bizga Ronalduni taklif qildi, u o‘sha vaqtda “Sporting”da o‘ynardi.

Agentlardan biri ularda futbolchi borligi va uni “Manchester Yunayted”ga 19 million yevroga sotishayotganini aytdi, biroq bizga uni 17 millionga sotib olishni taklif qilishdi.

Ammo bu vaqtda biz allaqachon Ronaldinyo transferini hal qilib qo‘ygandik. Biz tarkib to‘liq qamrab olindi deb hisobladik, shu sabab Ronaldudan voz kechdik va bu qarordan afsuslanmayman.

Joan Laporta, “Barselona” sobiq prezidenti

Ronaldu 2003-yilning yozida “Sporting”dan “Manchester Yunayted” safiga o‘tgandi. 2009-yilda esa portugaliyalik futbolchi “Real” a’zosiga aylangan va 2018-yilga qadar madridliklar safida to‘p tepgandi. Hozirda Ronaldu “Yuventus”da harakat qilmoqda.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!