AQShda Maykl Jordanga tegishli bo‘lgan noyob Mercedes-Benz SLR McLaren 722 Edition auksionga orqali sotildi. 2007-yilda ishlab chiqarilgan kupe hozirga qadar 1670 kilometr yo‘l bosgan bo‘lib, u 695 750 dollarga baholangan, deb xabar beradi Motor.

Foto: Crave Luxury Auto

Mercedes-Benz SLR McLaren 722 Edition — 650 ot kuchi (820 Nm)ni taqdim etishga qodir 5,4 litrli kompressor motorga ega nemis-britan superkarining noyob maxsus versiyasi.

Foto: Crave Luxury Auto

Shassi raqami 001327 bo‘lgan kupedan dunyoga mashhur basketbolchi Maykl Jordan foydalangan bo‘lib, u hozirga qadar ideal holatini saqlab qolgan: kuzov kanonik kumushrangga bo‘yalgan, saloni karbon, qora charm va alkantara bilan qoplangan, 722 Edition versiyasini tashqi tomondan nostandart diskalar, “tonirovka” qilingan optikasi, original diffuzorlari va shinalari orqali ajratib olish mumkin.

Odometrga ko‘ra, NBA’ning olti karra chempioni superkardan u qadar ko‘p foydalanmagan: besketbolchi bir necha yil davomida Mercedes-Benz SLR McLaren yordamida 1000 mil bosib o‘tgan, mashinaning undan keyingi egasi esa uni kolleksiyada saqlagan.

Foto: Crave Luxury Auto

Ajoyib tarixga ega superkar narxi rekord o‘rnatmadi: Jordanga tegishli bo‘lgan kupe 695 ming dollarga sotilgan, 2,5 yil oldin esa Mercedes-Benz muzeyidagi SLR McLaren 722 Edition bundan ikki barobar qimmatroqqa sotilgan edi.

Eslatib o‘tamiz, 2020-yilning avgustida amerikalik afsonaviy basketbolchi Maykl Jordanga tegishli bo‘lgan Mercedes-Benz S600 eBay onlayn auksion orqali sotilgan edi. O‘zining kimligini oshkor qilmagan xaridor Lorinser tyuning-atelyesi tomonidan ta’mirlangan kupe uchun 202,2 ming dollar to‘lagan.