Pandemiya sabab mazkur yilda yulduzlar avvalgidek kiyinish uslubi, aksessuarlari, xususan, sumkasini namoyon qilishi uchun fursat bo‘lmadi. Uydan faqatgina do‘kon va zarur joylargagina chiqa olgan yulduzlarning didi unchalik yaxshi emasligidan darak beradigan sumkalari suratini taqdim qilamiz.
2020-yilning yanvarida Lois Uinston film premyerasiga lab bo‘yog‘i idishi ko‘rinishidagi sumka bilan tashrif buyurgan. Ushbu noodatiy shakldagi sumkani ijodkor obraziga unchalik tushgan deb bo‘lmaydi.
Aktrisa Meri Elizabet Uinsted navbatdagi film taqdimotiga o‘ziga xos obraz tanlagan. Qizil rangli libosiga xuddi shu rangdagi narda toshi ko‘rinishini esga soladigan sumka tutgan.
“Ramona va Bizus” filmida bosh qahramon rolini ijro qilgan Joui King taqdirlash marosimiga Carolina Santo Dominga’dan ko‘k rangli sumka tanlagan. Mazkur ko‘rinish va shakldagi sumkalar 2020-yil trendda bo‘lganiga shubha yo‘q, lekin kamari aylanib ketavergani hisobiga yulduzga noqulaylik keltirib chiqargan.
Taniqli model Irina Sheyk Nyu-York ko‘chalarini krossovkaning tag qismiga o‘rnatilgandek tuyuladigan sumka bilan kezgan.
Opa-singillar Peris va Niki Xilton “Sog‘lom yurak” himoya aksiyasining tadbiriga yaltiroq libos va undan kam bo‘lmagan yaltiroq sumka tanlagan. Peris sumkasining shakli malaklar qanotini esga soladi. Nikining sumkasi ustiga esa milliarder turmush o‘rtog‘ining familiyasi yozilgan.
80-yillarda mashhur bo‘lgan italiyalik Romina Pauerning ko‘rinishi ham kiyinish uslubi ham avvalgidek emas. Buni suratda obraziga mos bo‘lmagan sumka tutib olganidan ham bilsa bo‘ladi.
Aktrisa Kemeron Dias yil davomida Yves Saint Laurent’dan ixcham, ammo didli deb baho berib bo‘lmaydigan sumka tutgan.
22 yoshli Sofiya Richi Beverli-Xillz ko‘chalarida mo‘ynali kulrang sumka bilan sayr qilmoqda.