Futbol bo‘yicha Coca-Cola Superliga 21-turining so‘nggi o‘yinida “Buxoro” va “So‘g‘diyona” jamoalari 29-oktabr, payshanba kuni o‘zaro bahsga kirishdi.
Foto: “Buxoro” FK
Uchrashuvning 10-daqiqasida Suhrob Ne’matov buxoroliklarni oldinga olib chiqdi. Bunga mehmonlar tezda Jasur Hasanovaning ikkita goli bilan javob qaytardi. 34-daqiqada Zohir Pirimovning kiritgan to‘pidan keyin jamoalar tanaffusga durang natijasi bilan yo‘l oldi.
Ikkinchi bo‘limda jizzaxliklar mezbonlar darvozasini javobsiz uch bor aniq nishonga oldi. Shohruz Norxonovning dubli va Bahodir Nasimovning goli “So‘g‘diyona”ga yirik hisobdagi g‘alabani taqdim etdi.
Ushbu g‘alabadan keyin “So‘g‘diyona” ochkolarini 30 taga yetkazib oldi va 7-o‘rinda bormoqda. “Buxoro” (11) esa musobaqa jadvalining so‘nggi pog‘onasidan joy olgan
Coca-Cola Superliga
21-tur bahsi
29-oktabr, payshanba
“Buxoro” — “So‘g‘diyona” 2:5
Gollar: 1:0 – 10, penalti Ne’matov, 1:1 – 11 Hasanov, 1:2 – 25 Hasanov, 2:2 – 34 Pirimov, 2:3 – 48, penalti Norxonov, 2:4 – 64 Norxonov, 2:5 – 88 Nasimov.
“Buxoro”: Sardor Qobuljonov, Mirjalol Jumayev, Boburjon Amanov, Suhrob Ne’matov, Jasur Hakimov, Zohir Pirimov (Izzatilla Abdullayev, 84), Jasur Hasanov, Bekzod Sayidov (Muhammad G‘iyosov, 74), Ergash Ismoilov (Behruz Sadilloyev, 84), Ilhomjon Alijonov, Fayzullobek Jumanqo‘ziyev.
“So‘g‘diyona”: Shirinboy Abdullayev, Sardor Qulmatov, Iskandar Shoyqulov, Ayubxon Nomanov, Jamshid Boltaboyev (Sanjar Rashidov, 84), Shohruz Norxonov (Bahodir Nasimov, 84), Jasur Hasanov (Sahob Rashidov, 87), San’at Shixov (Shohboz Jo‘rabekov, 46), Shavkat Mullajonov, Javohir Qahramonov (Daniel Nasriddinov, 84), Marko Kolakovich.
Ogohlantirishlar: Ismoilov (72), Shoyqulov (76), Kolakovich (82), Sadilloyev (85), Hakimov (90).
Superliga 21-turidan keyin musobaqa jadvali quyidagi ko‘rinishni oldi:
Foto: PFL
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
