Har bir ayol chiroyli va did bilan kiyinishni orzu qiladi. Garchi o‘lcham mukammallikdan ancha yiroq bo‘lsa ham. Ko‘pincha to‘lacha ayollar iloji boricha ozg‘in ko‘rinish niyatida noto‘g‘ri libos tanlaydi. Natijada barcha hajm tor libos ostidan yanada xunuk ko‘rinishni hosil qiladi.

Quyidagi oddiy maslahatlarga amal qilish orqali nafaqat liboslarni to‘g‘risini tanlay olish, balki o‘lchamga mos keladigan kiyim kiyishni ham o‘rganish mumkin.

Haddan tashqari yorqin rangdagi liboslar

Foto: Getty Images

Odatda porloq rangli katta o‘lchamdagi liboslar kamdan kam hollarda ishlab chiqariladi. Sababi bunday liboslar ko‘zga darrov tashlanadi va o‘lchamni yanada ko‘proq ko‘rsatadi. Bunday xatoni bartaraf etish uchun iloji boricha oddiy matolarga murojaat qilish kerak. Shuningdek, liboslarni o‘ziga yarashgan to‘g‘nog‘ich va taqinchoqlar bilan boyitish mumkin. Chunki qo‘shimcha aksessuarlar chalg‘itish vazifasini bajaradi va atrofdagilarning e’tiborini o‘ziga tortadi.

Foto: Getty Images

To‘q rangdagi liboslar

Foto: Getty Images

Afsuski, ortiqcha vazn haqida gap ketganda hamisha qora, ko‘k va kulrang liboslar tavsiya etiladi. Lekin bu degani to‘q rangdagi mato har doim ham shakl kamchiliklarini yashiradi degani emas. Ba’zan esa aksincha. Buning uchun turli rangli yoki naqsh va tasvir bosilgan matolarni uyg‘unlashtirish choralarini topish kerak. Ayniqsa, e’tiborni tortishda naqshli koftalar juda qo‘l keladi. Demak, garderobga yorqin yoki tasvir tushirilgan liboslarni qo‘shishdan qo‘rqmaslik kerak. Asosiysi, ular to‘la ayollarga juda mos keladi va kamchiliklarni yashirib turadi. Ushbu mavsumda qizil, bardo kabi urfga kirgan ranglarni hech qachon voz kechilmaydigan qora, jigarrang va ko‘k liboslar bilan birlashtirish tavsiya etiladi.

Foto: Getty Images

Yupqa matoli ko‘ylaklar siz uchun emas

Foto: “wday.ru”

Agar trikotaj, shifon yoki to‘rli liboslarni kiyishni istaydiganlar ortiqcha vaznli ayollar bo‘lsa, unga kombinatsiya sifatida futbolka yoki nimcha tanlash kerak. Qo‘shimcha kiyim tanadagi nuqsonlarni yashiradi va erkin harakatlanishga yordam beradi. Shuningdek, libos, eng avvalo, egasi uchun qulay bo‘lishi kerak. Iloji boricha yupqa matodan tikilgan liboslarning badanga yopishib turuvchi bichimdagisidan voz kechgan ma’qul.

Foto: Getty Images

Kalta yubkalar to‘g‘ri kelmaydi

Foto: Getty Images

Kalta yubkalar, ayniqsa, tizzadan yuqorilari hajmni yanada oshirib ko‘rsatadi. Albatta, oyoq ham vaznga yarasha bo‘lganidan so‘ng uni yashirish ko‘proq foyda beradi. Uzun yoki tizzadan pastga tushib turuvchi yubkalar ham qomatni chiroyli ko‘rsatadi. Liboslarning uzuni hamda bel qismi alohida ajratib ko‘rsatilgani nafislik va uyg‘unlik bag‘ishlaydi.

Foto: Getty Images

Gorizontal chiziqlar

Foto: Getty Images

Gorizontal chizig‘i bor matolar yoki boshqa matolardan chiziq berib ishlangan liboslar qomatni yanada kengaytiradi. Gavdaning barcha qismlarini bo‘rttirib ko‘rsatadi. Agar libos vertikal chiziqlardan tashkil topgan bo‘lsa, unda bo‘yinga taqilgan bitta uzun marjon hammasini o‘zgartirib yuboradi. Do‘mboq ayollarga liboslarning chiziqli ko‘rinishdagisini emas, balki mayda gul yoki naqsh bosilgan turdagisini kiyish tavsiya etiladi. Mayda tasvir qomat egasini ixchamroq ko‘rsatadi.

Foto: Getty Images

Libos rangini moslash

Foto: Getty Images

Odatda ko‘pincha ayollar libosni oyoq kiyimga, sumkani aksessuarga yoki shlyapaga moslashni yaxshi ko‘radi. Moslashtirishda faqatgina sumka yoki oyoq kiyim emas, balki bir tekisda ranglarga e’tibor berish kerak. Masalan, libos hamda tufli rangining bir xil bo‘lishi qomatni alohida qismga ajratib qo‘yishning oldini oladi.

Foto: Getty Images

Eng muhimi — o‘lcham

Foto: Getty Images

Katta o‘lchamdagi liboslarni kiyuvchi ayollar ko‘pincha o‘zi uchun kichik bo‘lgan ko‘ylaklarni sotib oladi. Albatta, maqsad ozg‘inroq ko‘rinish. Ammo natija teskarisi bo‘lib chiqadi. To‘la qomatni yashirishni istaydiganlar faqatgina o‘zlarining o‘lchamidagi liboslarni sotib olishi yoki tiktirishi tavsiya etiladi. Xuddi shu tavsiya oyoq kiyimlar uchun ham tegishli. Inson o‘ziga qulay bo‘lgan kiyimdagina chiroyli ko‘rinishi mumkin.