Bugun,

  • USD 11095.31
  • RUB 173.84
  • EUR 10772.44

Andijon viloyatida 16 yoshli bolaning iPhone X’ini o‘g‘irlab ketgan 4 nafar yigitga jinoyat ishi qo‘zg‘atildi. Bu haqda IIV Tergov departamenti xabar berdi.

Foto: IIV Tergov departamenti

Foto: IIV Tergov departamenti

Ma’lum bo‘lishicha, 16-oktabr kuni soat taxminan 19:30 larda 19 yoshli K.X., B.I., X.M. va 18 yoshli S.U. o‘g‘rilik uchun o‘zaro oldindan jinoiy til biriktirgan. Andijon tumani “Chem” MFY hududidan o‘tuvchi Andijon—Asaka avtomobil yo‘lida joylashgan yoqilg‘i quyish shoxobchasi oldida 16 yoshli B.I.ning iPhone X rusumli telefon apparatini foydalanish maqsadida so‘rab olgan va ochiqdan ochiq talon-toroj qilib, Matiz’ga o‘tirib qochib qolishga uringan.

B.I. va uning otasi avtomashinaning ortidan yetib olib, qonunbuzarlarni qo‘lga olgan.

Holat yuzasidan Andijon tumani IIB huzuridagi tergov bo‘limi tomonidan K.X., B.I., X.M. va S.U.ga nisbatan Jinoyat kodeksi 166-moddasi 2-qismi “v” bandi (bir guruh shaxslar tomonidan oldindan til biriktirib talonchilik sodir etish) bilan jinoyat ishi qo‘zg‘atilgan.

Olib borilgan dastlabki tergov harakatlari davomida yigitlarning yana bir qator jinoyatga aloqadorligi aniqlangan. Hozirda ushbu holatlarga ham huquqiy baho berish choralari ko‘rilmoqda.

Izoh
Asosiy yangiliklar
Madaniyat
Bir-biriga mutlaqo qarama-qarshi rollarni o‘ynab, tomoshabinlarni ishontira olgan aktyor va aktrisalar (foto)
Dunyo
“KamAZ”da harbiylarni bosib ketgan: Qozog‘istonda yanvar voqealari ishtirokchisi 17 yilga qamaldi (video)
Mahalliy
O‘zbekistonda koronavirusga chalinganlar soni yana oshdi: so‘nggi sutkada 141 kishida kasallik qayd etildi