Futbol bo‘yicha Yevropa Chempionlar Ligasining 1-turida “Real” 21-oktabr, chorshanba kuni “Shaxtyor”ni qabul qildi.

Foto: Twitter

Birinchi bo‘lim avvali madridliklarning nazorati ostida o‘tdi, biroq mezbonlar ustunlikni hisobda aks ettira olmadi. 29-daqiqada Tete ukrainaliklarni oldinga olib chiqdi. Oradan to‘rt daqiqa o‘tib Tetening zarbasidan keyin Tibo Kurtua to‘pni qaytardi, biroq qaytgan to‘pni Rafael Varan o‘z darvozasiga joylab qo‘ydi.

Birinchi bo‘lim yakunlanishi arafasida hisob yirik ko‘rinish oldi. 42-daqiqada Manor Solomon “Real” himoyasidagi beparvolikdan unumli foydalandi.

Ikkinchi bo‘limda Madrid jamoasi kutilganidek faollikni oshirdi. Qator hujumlar 54-daqiqaga kelib samara berdi. Luka Modrich uzoq masofadan aniq zarba yo‘llagan holda jamoasining ilk golini urdi. 59-daqiqada maydonga tushganida sanoqli soniyalar bo‘lgan Vinisius Junior hisobdagi farqni minimal ko‘rinishga keltirdi. Qolgan vaqt “Real”ning kuchli bosimi ostida o‘tdi, biroq maydon egalari raqib darvozasi tomon yo‘l topa olmadi.

Shu tariqa Madridga deyarli yarim tarkibdagi yo‘qotishlar bilan kelgan “Shaxtyor” g‘alaba qozondi.

Parallel bahsda Moskvaning “Lokomotiv” jamoasi “Zalsburg” maydonida mehmon bo‘ldi. Avvaliga “temiryo‘lchilar” Eder Maseduning goli evaziga oldinga o‘tib oldi. Birinchi bo‘lim yakunlanishi arafasida Dominik Soboslai super goli bilan hisobni tenglashtirdi. Ikkinchi bo‘lim debyutida Zlatko Yunuzovich mezbonlarning ikkinchi golini urdi. 75-daqiqada Vitaliy Lisakovich muvozanatni tikladi.

YChL

1-tur bahslari

21-oktabr, chorshanba

“Real Madrid” Ispaniya — “Shaxtyor” Ukraina 2:3

Gollar: 0:1 – 29 Tete, 0:2 – 33, avtogol Varan, 0:3 – 42 Solomon, 1:3 – 54 Modrich, 2:3 – 59 Vinisius Junior.

“Real Madrid”: Kurtua, Varan, Marselo, Mendi, Militao, Modrich (Kroos, 70), Kazemiro, Rodrigo (Benzema, 46), Valverde, Asensio, Yovich (Vinisius Junior, 59).

“Shaxtyor”: Trubin, Korniyenko, Dodo, Bondar, Xocholava, Markos Antonio, Solomon, Tete, Maykon, Dentinyo (Sudakov, 86), Marlos.

Ogohlantirishlar: Korniyenko (8), Asensio (34), Bondar (83), Militao (87).

“Zalsburg” Avstriya — “Lokomotiv M” Rossiya 2:2

Gollar: 0:1 – 19 Eder, 1:1 – 45 Soboslai, 2:1 – 50 Yunuzovich, 2:2 – 75 Lisakovich.

“Zalsburg”: Stankovich, Veber, Valchi, Ulmer, Ramalyo, Mvepu, Kamara (Okugava, 73), Yunuzovich, Soboslai, Daka, Koyta (Berisha, 53).

“Lokomotiv”: Gilyerme, Serkeyra, Chorluka, Jivoglyadov, Ribus, Krixovyak, Miranchuk (Lisakovich, 69), Kulikov, Jemaletdinov (Kamano, 63), Smolov (Ribchinskiy, 62), Eder (Ze Luish, 69).

Ogohlantirishlar: Soboslai (41), Kulikov (80).

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!