Futbol bo‘yicha Coca-Cola Superliga 19-turida “Andijon” 18-oktabr, yakshanba kuni “So‘g‘diyona”ni qabul qildi.
Foto: PFL
Uchrashuvning debyutida andijonliklar Muhammadali Yo‘ldoshevning golidan keyin oldinga o‘tib oldi. Bunga mehmonlar 75-daqiqada Marko Kolakovichning goli bilan javob qaytardi.
O‘yin yakunlanishi arafasida maydon egalari futbolchisi Farhod Mirahmatov ikkita sariq kartochka olib, maydonni tark etdi.
19-turdan keyin “Andijon” 12 ochko bilan 12-pog‘onada ketmoqda, “bo‘rilar” (24) esa 7-o‘rindan joy olgan.
“So‘g‘diyona” keyingi turda “Navbahor” bilan o‘ynaydi. Andijon shahri jamoasi esa “Bunyodkor” mehmoni bo‘ladi.
Coca-Cola Superliga
19-tur bahsi
18-oktabr, yakshanba
“Andijon” — “So‘g‘diyona” 1:1
Gollar: 1:0 – 5 Yo‘ldoshev, 1:1 – 75 Kolakovich.
“Andijon”: Eldor Adhamov, Azamat Isroilov, Farhod Mirahmatov, Xushnudbek Avilov, Baxtiyor Qosimov (Abdullo Olimov, 77), Farhod Bekmuratov, Siroj Meliyev (Nodir Mavlonov, 90), Usmonali Ismonaliyev, Muhammadali Yo‘ldoshev (Jamshid Homidov, 77), Doniyor Abdumannopov, Shahboz Jumaboyev (Rustamjon Qo‘chqorov, 62).
“So‘g‘diyona”: Shirinboy Abdullayev, Iskandar Shoyqulov, Ayubxon No‘‘monov, Sanjar Rashidov, Jamshid Boltaboyev, Shohruz Norxonov (Muhammad Yahyoyev, 84), Jasur Hasanov, Javohir Qahramonov, Bahodir Nasimov (Sahob Rashidov, 70), Dian Talxatov, Marko Kolakovich.
Ogohlantirishlar: Mirahmatov (85).
Chetlatish: Mirahmatov (87).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
