Toshkent shahri Yunusobod tumanida Spark va Hyundai Tucson avtomashinalari ishtirokida yo‘l-transport hodisasi sodir bo‘ldi, deya xabar bermoqda shahar IIBB.

Foto: Facebook

Qayd etilishicha, 28-sentabr kuni taxminan soat 22:30 da Bog‘ishamol ko‘chasida Metro kafesining ro‘parasida Toshkent viloyatida tug‘ilgan 29 yoshli Dmitriy B. Spark rusumli avtomobilni (davlat raqami 01 969 AGA) boshqarish davomida, hozirgi taxminlarga ko‘ra, qarama-qarshi harakat yo‘liga chiqib, 22 yoshli T. A. boshqaruvidagi Hyundai Tucson (davlat raqami 10 009 XAA) avtomobiliga to‘qnashgan.

To‘qnashuv natijasida Spark avtomobili haydovchisi, uning yo‘lovchilari – 30 yoshli Sergey B., 30 yoshli erkak (ismli aniqlanmoqda) va 35 yoshli Marat B., Hyundai Tucson haydovchisi hamda uning yo‘lovchisi – 26 yoshli Yunus T. tan jarohatlari bilan shifoxonaga olib borildi.

Shifoxonaga borish davomida Sergey B. hayotdan ko‘z yumdi.

Yo‘l-transport hodisasining tergov oldi tekshiruvlari davom etmoqda.