Uzbekistan Airways Dehliga charter reys amalga oshiradi

Uzbekistan Airways 12-sentabrda Toshkent—Dehli—Toshkent yo‘nalishi bo‘yicha charter repatriatsiya qatnovini amalga oshiradi. Bu haqda aviakompaniya matbuot xizmati xabar berdi.

Xabarga ko‘ra, charter reys quyidagi jadvalga muvofiq amalga oshirish rejalashtirilgan (mahalliy vaqt ko‘rsatilgan):

Toshkent—Deli

• Toshkentdan ketish vaqti — 17:00;
• Dehliga qo‘nish vaqti — 20:30.

Deli—Toshkent

• Dehliga ketish vaqti — 22:30;
• Toshkentga qo‘nish vaqti — 00:40 +-1.

Tushunmovchiliklarning oldini olish maqsadida aviachiptalarni sotib olishni tezlashtirish bo‘yicha o‘z xizmatlarini taklif etayotgan shubhali shaxslardan yordam so‘ramaslik so‘ralgan.

Avvalroq O‘zbekistonliklarni xorijdan olib kelish bo‘yicha sentabr oyiga belgilangan charter reyslar ro‘yxatiga qo‘shimcha kiritilgani, Yaponiyadagi o‘zbekistonliklar 24–25-sentabr kunlari charter repatriatsiya reysi bilan vatanga qaytarilishi rejalashtirilgani xabar berilgan edi.