Samarqand xalqaro aeroportining yangi yo‘lovchi terminalini qurish Uzbekistan Airports davlat-xususiy sheriklik shartlari asosida Air Marakanda mas’uliyati cheklangan jamiyati ko‘rinishidagi xorijiy kompaniyaga topshirilgan. Bu haqda “Daryo” muxbiri Farhod Norbo‘tayev xabar berdi.
Loyiha qiymati 40 million dollar bo‘lgan yangi yo‘lovchi terminal 2021-yilning uchinchi choragida foydalanishga topshiriladi.
Ta’kidlanishicha, Samarqand xalqaro aeroporti bugungi kunda 62 million dollarlik loyihani ham amalga oshirayotgan bo‘lib, loyiha Uzbekistan Airports aksiyadorlik jamiyati tomonidan moliyalashtirilgan. Qurilish ishlari 2020-yilning oktabr oyida yakuniga yetadi.
Shuningdek, aeroportni rekonstruksiya qilish loyihasi doirasida aerodromning sun’iy qoplamalari quriladi, yangi uchish-qo‘nish yo‘lagi va 4 ta yo‘naltiruvchi yo‘llar barpo etiladi.
