Rozi Hantington-Uaytli va Jeyson Stetxem Malibudagi zamonaviy uyini sotishga qaror qildi, deb yozadi Daily Mail.

Aktyor uyni model Rozi bilan tanishishidan bir yil oldin 2009-yilda sotib olgan edi. Uy yangi egalariga 19,95 million dollarga tushadi.

Maydoni 363 kvadrat metr bo‘lgan uy Tinch okeani sohilidagi Malibu koloniyasi yopiq qishlog‘ida joylashgan.

Uyning ta’mirlangan to‘rtta yotoqxonasi, to‘rtta hammom, oshxona va ovqatlanish xonasi mavjud. Zamonaviy uslubda yaratilgan ichki interyer uy egasini Malibu oltin asriga qaytaradi.

Bundan tashqari, uyda ulkan g‘ishtli kamin, Belgiyaning eman yog‘ochli pollari, va Malibudagi mashhur syorfing uchun joy – Old Joe’s’ga qaraydigan fransuzcha deraza bor.

Uyning tashqarisida keng ayvon, bu yerda gidromassajli vanna va dam olish zonasi mavjud, u yerdan sohilga boradigan yo‘l bor. Shuningdek, hududda mehmonxona, oshxona va hammom mavjud.