Navoiyda mahalla raisi ikki nafar ehtiyojmand fuqarodan 28,5 mln so‘mni firibgarlik orqali qo‘lga kiritgani aniqlandi
Navoiyda mahalla raisi ikki nafar ehtiyojmand fuqarodan 28,5 million so‘mni firibgarlik yo‘li bilan qo‘lga kiritgani fosh etildi. Bu haqda Bosh prokuratura “Daryo”ga ma’lum qildi.
Ma’lumotlarga ko‘ra, Bosh prokuratura huzuridagi departamentning Navoiy viloyati Nurota tuman bo‘limi tomonidan o‘tkazilgan tergovga qadar tekshiruv davomida tumandagi “A” nomli MFY raisining kirdikorlari aniqlangan. Mahalla raisi yashash uchun uy-joyi bo‘lmagan hamda ehtiyojmand oila toifasiga kiritilgan ikki nafar fuqaroga xonadon sotib olish uchun budjetdan ajratilgan mablag‘lardan 28,5 million so‘mini uy-joyni ta’mirlab berishga va’da qilgan holda firibgarlik yo‘li bilan qo‘lga kiritib, o‘z ehtiyojlari uchun ishlatib yuborgan.
Tergovga qadar tekshiruv davomida mahalla raisi qilgan ishidan pushaymonlik bildirib, yetkazilgan zararning 19 million so‘mini o‘z ixtiyori bilan qaytarganligi protsessual rasmiylashtirilgan.
Mazkur holat yuzasidan mahalla raisiga nisbatan Jinoyat kodeksining 168-moddasi 2-qismi “a” bandi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq Bekobodda mahalla raisi nafaqaga muhtoj bo‘lmagan fuqarolarga 100 million so‘mdan ortiq pul tayinlagani aniqlangan edi.
Mavzuga doir:
