Besh karra Olimpiada chempioni Keti Ledeki TikTok’da yangi chellenj boshlab berdi: ishtirokchilarning vazifasi sutni to‘kib yubormaslik. Biroq bu bir qarashda ko‘ringanidek oson emas.

Kadr: Twitter

Vazifa uch bosqichdan iborat: stakanga sut quyish, stakanni qo‘lda ushlagan holda biror noodatiy ishni amalga oshirish va uning ichidagini to‘kib yubormaslik. Oxirgi bosqichda esa sutni ichish mumkin.

Chellenjni boshlab bergan Ledeki sut quyilgan stakanni boshiga qo‘yib basseynning oxiriga qadar suzib borgan. U vazifani a’lo darajada bajargan va bir tomchi ham sut to‘kilmagan.

#GotMilkChallenge xeshtegi ostidagi videodan so‘ng, boshqalar ham o‘z mahoratini sinab ko‘rishga tushib ketdi. Ayrim ishtirokchilar ayyorlik qilib, ikkinchi bosqichni bajarmagan bo‘lsa, ba’zilar vazifaga hazilomuz yondashgan, biroq shartlarni sidqidildan bajarganlar ham bor.