Futbol bo‘yicha Ispaniya chempionatining 34-turida “Real” 5-iyul, yakshanba kuni “Atletik” maydoniga safar qildi.

Foto: Twitter

Uchrashuvning birinchi bo‘limi teng kurashlar ostida o‘tdi. Biroq tanaffusga qadar darvozalar dahlsiz qoldi. 73-daqiqada Serxio Ramos penaltini aniq bajarib, uchrashuvdagi yagona gol muallifiga aylandi.

Shu tariqa madridliklar ushbu g‘alabadan keyin ochkolarini 77 taga yetkazib olgan holda peshqadamlikni mustahkamladi. Ikkinchi o‘rindagi “Barselona”da 70 ochko mavjud. Katalonlar ushbu turda “Vilyarreal” mehmoni bo‘ladi.

La Liga

34-tur bahsi

5-iyul, yakshanba

“Atletik” — “Real Madrid” 0:1

Gol: 0:1 – 73, penalti Ramos.

“Atletik”: Unai Simon, Martines, Kapa, Yeray Alvares (Nunyes, 21), Berchiche, Unai Lopes (Vesga, 63), Dani Garsiya (Sanset, 78), Raul Garsiya, Kordoba (De Markos, 63), Muniain, Uilyams (Vilyalibre, 78).

“Real Madrid”: Kurtua, Karvaxal, Ramos, Militao, Marselo, Kazemiro, Valverde (Kroos, 85), Rodrigo (Vaskes, 74), Modrich, Asensio (Vinisius Junior, 74), Benzema (Yovich, 90).

Ogohlantirishlar: Raul Garsiya (39), Dani Garsiya (73), Ramos (90), Kazemiro (90).

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!