O‘zbekiston Prezidentining “2020/2021-o‘quv yilida O‘zbekiston Respublikasining oliy ta’lim muassasalariga o‘qishga qabul qilishning davlat buyurtmasi parametrlari to‘g‘risida”gi qarori qabul qilindi.

Foto: “Daryo”

Oliy va o‘rta maxsus ta‘lim vazirligi xabariga ko‘ra, Prezident qarori bilan 2020/2021-o‘quv yili uchun qabul kvotalari tasdiqlandi:

Bakalavriat:

  • kunduzgi ta’lim shakliga – 103 575 nafar;
  • sirtqi ta’lim shakliga – 31 350 nafar;
  • kechki ta’lim shakliga – 5 025 nafar.

Magistratura – 10 425 nafar.

Eslatib o‘tamiz, abituriyentlar uchun test sinovlari karantin qoidalariga qat’iy rioya etilgan holda o‘tkaziladi. Bitiruvchilar attestat olishi shart emas, XTV bazasidagi ma’lumot DTM bazasiga o‘tkaziladi.

Avvalroq so‘xlik bitiruvchilarga OTMlarga kirishda 500 ta davlat granti kvotasi ajratilgani haqida xabar berilgan edi.