Germaniyaning Svikkau shahri politsiyachilari okrugdagi 40 ga yaqin mashina kuzovini tirnab tashlagan vandalni qidirishga bir hafta vaqt sarfladi. Natijada bu ishlarni yetti yoshli qizaloq amalga oshirgani ma’lum bo‘ldi, deb xabar beradi mamlakat politsiya departamenti.
Foto: Motor
Politsiya departamentining ma’lumotlariga ko‘ra, qizaloqning qo‘lidan jami 37 ta avtomobil jabr ko‘rgan. Endi qizning ota-onasi yetkazilgan zararni qoplab berishi kerak, bu qariyb 30 ming yevro demak.
Politsiya avtomobillar kuzovini qirib ketayotgan qizaloqni aniqlashga yetti kun sarflagan. Sakkizinchi kunga kelib, ular “buzg‘unchi”ni ushlashga muvaffaq bo‘lgan — qizaloq voqea joyida qo‘lga olingan. U shu vaqtgacha bo‘lgan avtomobillarga o‘zi shikast yetkazganini tan olgan. Qizaloq qo‘liga tosh olib, mashinalarga qor parchalarini chizib yurgan. U aslida yomon ish qilishni emas, aksincha, mashinalar chiroyli bo‘lishini xohlagan.
